Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, October 23, 2018

پٹنہ۔۔24 اکتوبر کو "سواستھ سماگم پروگرام" کے تحت مجوزہ پروگرام کی تیاریوں کا جائزہ۔

: غیر سند یافتہ میڈیکل پیشہ سے جڑے افراد کے لئیے نیتیش حکومت کا ماسٹر پلان۔
. . . . . . . . . . . . . . . . . . . . . . . . . . . 
سواستھ سماگم کے تحت منعقدہ پروگرام کا افتتاح وزیر اعلیٰ کریں گے۔
. . . . . . . . . . . . . . . . . . . . . . . . . . . 
پٹنہ ۔بہار۔۔نمائندہ صدائے وقت۔23 اکتوبر۔
. . . . . . . . . . . . . . . . . . . . . . . . . . . 
بہار ملک کی ایک ایسی ریاست بننے جا رہی ہے جہاں پر دور دراز گاوٰں میں میڈیکل پریکٹس کرنے والے افراد  کو ٹرینڈ کرکے قانونی جواز فراہم کیا جائے گا جس سے گاوں میں عوام کو طبی خدمات آسانی و قریب میں مہیا ہوگی۔اس سلسلے میں 24 اکتوبر کو پٹنہ کے باپو سبھا گار میں سواستھ سماگم کے تحت ایک پروگرام کا انعقاد ہوگا ۔۔
جنتا دل یونائیٹیڈ  کے  ریاستی جنرل سکریٹری " ڈاکٹرس سیل" ڈاکٹر عبد السلام نے بتایا کہ 24 اکتوبر کے پروگرام کا  افتتاح وزیر اعلیٰ نتیش کمار کے ہاتھوں ہوگا۔جلسہ گاہ کا جائزہ لینے پہنچے ڈاکٹر عبد السلام نے کہا کہ بہار
میں چار لاکھ غیر سند یافتہ لوگ دور دراز گاوٰں میں میڈیکل پریکٹس کے پیشے سے جڑے ہیں جس میں 22815 افراد کو نیشنل انسٹی ٹیوٹ آف اوپن یونیورسٹی کے ذریعہ ٹریننگ دی جارہی ہے۔یہ پہلے وزیر اعلیٰ ہیں جو دیہاتی علاقوں میں کام کر رہے صحت سے جڑے لوگوں کو عزت دینے کا کام کر رہے ہیں۔سبھی لوگوں کو ٹریننگ دے کر ہیلتھ صلاح کار کے طور پر کام لیا جا سکتا ہے۔ایسے لوگوں کو یہ حق ملنا اس لئیے بھی ضروری تھا کہ اب ایسے لوگوں پر جھولا چھاپ ہونے کا لیبل نہیں لگے گا ۔ڈاکٹر عبدالسلام نے کہا کہ ڈاکٹرس سیل کے ریاستی صدر ڈاکٹر ایل بی سنگھ کی ہی کاوشوں کے نتیجہ میں ان لوگوں کو ٹریننگ دلانے کا کام ہو رہا ہے۔ اس کام کے لئیے ان کا کردار کافی اہم رہا ہے۔24 اکتوبر کو ہونیوالے پروگرام کا جائزہ لینے کے لئیے باپو سبھا گار میں ڈاکٹر عبدالسلام کے ساتھ ڈاکٹر مدھوریندر پانڈے اورشیلندر کمار بھی موجود تھے۔

Post Top Ad

Your Ad Spot