شہر کا نام بدلنے کے بجائے امن وامان پر توجہ دے یوگی حکومت:
عبدالسلام فلاحی۔
. . . . . . . . . . . . . . . . . . . . . . . . . . . .
مغل سرائے کے بعد الہ آباد کا نام بدلنے پر برہمی کا اظہار۔
. . . . . . . . . . . . . . . . . . . . . . . . . . .
پٹنہ،22؍اکتوبر(پریس ریلیز)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آل انڈیایونانی طبی کانگریس کے نائب صدر ڈاکٹرعبدالسلام فلاحی نے یوپی کی یوگی آدتیہ ناتھ سرکارکونشانہ بناتے ہوئے کہاہے کہ محض سیاسی مفاد کے لئے اترپردیش کے شہروں اور اسٹیشنوں کے نام تبدیل کرکے نہ صرف ملک کے امن وامان کوختم کیاجارہاہے بلکہ گنگا جمنی تہذیب اور قومی اتحاد کوپارہ پارہ کرکے سیکولر ہندو،مسلم،سکھ ،عیسائی کے جذبات کومجروح کرنے کی کوشش بھی کی جارہی ہے۔
ڈاکٹرعبدالسلام فلاحی نے کہاکہ آج شہرالہ آباد کی حالت ناگفتہ بہ ہے، سڑکیں ٹوٹی پھوٹی ہیں، انفرااسٹرکچربرباد ہورہاہے،اسکول اور اسپتال کی حالت بدسے بدتر ہوچکی ہے۔ریاستی حکومت کی نگاہیں شہر کے امن وچین پرغور کرنے کے بجائے شہروں کے نام تبدیل کرنے پرٹکی ہوئی ہیں۔کیاشہروں کے نام بدلنےسے وہاں کی سڑکیں اچھی ہوجائیں گی؟کیا شہروں کے نام بدلنے سے اسکول اور اسپتالوں میں بہترنظم ونسق بحال کی جانے لگیں گی؟آج پورے یوپی میں
یوگی آدتیہ ناتھ کاغنڈہ راج کیاپریاگ راج بننے کے بعد ختم ہوجائے گا؟کیا مغل سرائے کا نام بدل کر دین دیال اپادھیائے ایک ماڈل اسٹیشن بنادیاگیا؟اگرایسا نہیں ہے تو پھر غریب عوام کے پیسے تبدیل شدہ ناموں کے بڑے بڑے ہورڈنگ میں ہونے والے خرچ کے طورپر کیوں برباد کیاجارہاہے؟
انہوں نے سوال کیاہے کہ کیاملک کے شہریوں نے آپ کے سامنے اس طرح کی ڈیمانڈرکھی ہے؟اگرنہیں تو پھر یہ ملک کی تہذیب کو بانٹنے کی کوشش کیوں؟اگر نام بدلنے سے تاریخ بدل جائے، نام بدلنے سے حالات بدل جائیں، نام بدلنے سے وکاس ہوجائے تب تو الہ آباد کا نام بدل کرپریاگ راج اورنیویارک رکھنے میں کوئی حرج نہیں۔
آل انڈیاگورنمنٹ طبی کانگریس یوپی سرکار سے اپیل کرتی ہے کہ فرقہ پرستی کوسیاسی ایجنڈا بالکل نہ بنانے کی کوشش کرے اوراس ملک کی گنگاجمنی تہذیب کوپا مال کرنے کی ناکام کوشش کرنے کے بجائے بڑھتی مہنگائی، بڑھتے کرپشن پر قابوپانے کی کوشش کرتے ہوئے ’’سب کاساتھ سب کاوکاس‘‘ کے نعرے پر عمل کرے تاکہ اقلیتی طبقے کوتکلیف نہ ہو اور یوپی حکومت تازہ تبدیل شدہ نام پریاگ راج کودوبارہ الہ آباد رکھے تاکہ امن اوربھائی چارہ قائم رہے۔
صدائے وقت۔
