کئی نئے ضلعے بنا سکتی ہے سرکار۔نائب وزیر اعلیٰ نے عندیہ دیا !

اعظم گڑھ، جونپور، سہارنپور،جھانسی و بجنور میں بن سکتے ہیں نئے ضلعے۔
. . . . . . . . . . . . . . . . . . . . . . . . . . . 
وارانسی۔اتر ہردیش۔نمائندہ صدائے وقت۔
. . . . . . . . . . . . . . . . . . . . . . . . . . .  ریاست اتر پردیش میں فی الحال 75 ضلعے ہیں۔اب ان کی تعداد میں اضافہ ہو سکتا ہے۔صوبے کے نائب وزیر اعلیٰ کیشو پرساد موریہ نے وارانسی میں صحافیوں سے دوران گفتگو اس بات کا عندیہ دیا۔انھوں نے کہا کہ سرکار اس کے متعلق غور و خوص کر رہی ہے تاہم آئین کے مطابق اس کا فیصلہ کابینہ کی میٹنگ میں لیا جائے گا۔
نائب وزیر اعلیٰ نے کہا کہ ریاست میں نظم و نسق کی بہتری کے لئے تحصیل، بلاک ، نگر پنچایت کی تشکیل نو کی جانے کے متعلق سرکار غور کر رہی ہے۔انھوں نے اس بات کا بھی اشارہ دیا کہ آبادی و رقبہ کو دیکھتے ہوئے اعظم گڑھ، جونپور،جھانسی۔لکھیم پور کھیری۔بجنور و سہارنپور کی تقسیم کی جا سکتی ہے۔اور ان اضلاع کو تقسیم کرکے نئے ضلعے بنائے جا سکتے ہیں۔