جون پور اتر پردیش۔ (نمائندہ)۔
. . . . . . . . . . . . . . . . . . . . . . . . . . .
بزم کہکشاں کی جانب سے شہر کے شاہی پل واقع شاہی شیر مسجد احاطے میں ایک نعتیہ مشاعرہ کا انعقاد انوار جونپوری کی صدارت میں کیا گیا۔مشاعرہ کا آغاز تلاوت کلام پاک سے قاری اشتیاق احمد ضیاء جونپوری نے کیا۔ناصر جونپوری کے مصرع طرح۔
,جنت سے کم نہیں ہے طیبہ مرے نبیؐ کا،
پر شعراء کرام نے کلام پیش کیا۔کچھ منتخب اشعار اس طرح ہے۔
کیا منزلت ہے دیکھو سرکار دو جہاں کی
پرور دگار بھی ہے شیدا مرے نبی کا اصغر رضا۔
آجاؤ اب زمیں پر اے آسمان والو
ہر سمت چھا گیا ہے جلوہ مرے نبی کا محمد نثار۔
کعبے کا بھی ہے کعبہ روضہ مرے نبی کا
جنت سے کم نہیں ہے طیبہ مرے نبی کا قاری ضیاء۔
پہلو میں سو رہے ہیں شیخین کس ادا سے
دونوں پر پڑ رہا ہے سایہ مرے نبی کا خلیل ابن اثر۔
یوں ہی نہیں جہاں ہے شیدا مرے نبی کا
نبیوں میں پر حسیں ہے چہرہ مرے نبی کا احسان خیرآبادی۔
اس کے علاوہ مولانا انوار احمد قاسمی،عرفان جونپوری،مونس جونپوری،اسیم مچھلی شہری،ماسٹر عبدالباری خاں،قمر جونپوری،حافظ شمع اللہ،اسلم انصاری نے بھی اپنے کلام پیش کئے۔بعد مشاعرہ ملک کے امن امان کیلئے دعا کی گئی۔آخر میں پیش امام قاری ضیاء نے سبھی کا شکریہ ادا کیا۔
