آل انڈیا یونانی طبی کانگریس(اکیڈمک ونگ) پروگرام کی تیاریاں مکمل۔

نئی دہلی۔پریس ریلیز۔/ صدائے وقت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آل انڈیا طبی کانگریس کی ایکڈمک ونگ کے زیر اہتمام حیدر آبا میں 28، 29 دسمبر کو ہونیوالے دو روزہ سیمینار کے انعقاد کی  تیاریاں مکمل ہوگیئں ہیں۔طبی کانگریس کے سکریٹری جنرل ڈاکٹر سید احمد خان نے کہا کہ حسب ترتیب تنظیم  ہٰذا کے پروگرام  تسلسل کے ساتھ منعقد ہو رہے ہیں ۔جس سے طب یونانی سے تعلق رکھنے والے حضرات کو اپنے فن کے تئیں بیدار رہنے کی ترغیب بھی مل رہی ہے۔قومی سطح پر درپیش مسائل اور طب یونانی کے استحکام و  فروغ  کے سلسلے میں ہماری سرگرمیاں یقیناً باعث اطمنان ہے۔پرفیسر اے ایم فاروقی صدر آل انڈیا یونانی طبی کانفرنس (اکیڈمک ونگ)۔اور ڈاکٹر شبیر احمد آل انڈیا جنرل سکریٹری (اکیڈمک ونگ )۔نے یونانی طبی کانگریس کے قومی صدر پروفیسر مشتاق احمد کا شکریہ ادا کرتے ہوئے کہا کہ انھیں کی سر پرستی میں ہم یہ دوروزہ سیمینار کر رہے ہیں اور امید ہے کہ یہ پروگرام اپنے مقصد میں  کامیابی سے ہمکنار ہوگا۔پروفیسر ایم اے فارقی نے مزید کہا کہ ملک بھر سے اطباء حضرات کا تعاون مل رہا ہے جو یقیناً خوش آئیند ہے۔