مالیر کوٹلہ، پنجاب۔ 29 دسمبر 2018. (پریس ریلیز)/ صدائے وقت/ عاصم طاہر اعظمی۔
. . . . . . . . . . . . . . . . . . . . . . . . . . .
مدرسہ دارالعلوم محمودیہ موضع عظیم آباد، سنگھین، مالیرکوٹلہ کا ایک دینی ادارہ ہے جو کہ گذشتہ بیس سال سے اپنے تعلیم وتربیت کے میدان میں سر گرم ہے، جہاں کثیر تعداد میں طلباء حفظ وناظرہ کے علاوہ عصری علوم بھی حاصل کررہے ہیں، آج سے بیس سال قبل حافظ محمد سالم صاحب نے انتہائی پس ماندہ علاقہ میں مدرسہ قائم کرکے قوم کے نونہالوں کو تعلیم سے آراستہ کررہے ہیں، یہ قوم کی تعلیمی پس ماندگی کو دور کرنے کی کوششوں کا ایک حصہ ہے، 26 دسمبر کو مدرسہ ہذا میں دیوبند سے تشریف لانے والے دارالعلوم دیوبند کے استاذ قاری محمد فاروق اور قاری محمد طیب نے حفظ وناظرہ کے طلباء کا ششماہی امتحان لیا، وہیں مدرسہ عربیہ حفظ القرآن مالیر کوٹلہ کے استاذ حدیث وفقہ مفتی محمد ثاقب قاسمی نے بھی حفظ کے کچھ طلباء کا امتحان لیا، تمام طلباء نے کامیابی حاصل کی، مدرسہ ہذا کے ناظم مفتی محمد مرغوب الرحمن قاسمی نے اخبار نمائندہ سے بات چیت کے دوران علم کی اہمیت وفضیلت، دینی علوم کے ساتھ عصری علوم کے حاصل کرنے کی ضرورت کے متعلق بڑی مفید باتیں بیان کیں.
