میزلس، روبیلا ٹیکہ کاری مہم۔نماز جمعہ میں کی گئی اپیل۔

.  نماز جمعہ میں امام جمعہ نے روبیلا و خسرہ کے خلاف ٹیکہ لگوانے کی اپیل کی۔
. . . . . . . . . . . . . . . . . . . . . . . . . . .
جون پور اتر پردیش۔ (نمائندہ)۔
میزلس روبیلا ٹیکہ کاری بیداری کیلئے جامع مسجد نواب باغ میں امام جمعہ مولانا محفوظ الحسن خاں نے جمعہ کی نماز میں خطاب کے دوران کہا کہ صحت مند معاشرے کی خوشحالی کے لئے خسرہ روبیلا ویکسین لگنا بہت ضروری ہے۔ انہوں نے کہا کہ بیماری سے پاک سماج ملک کی تعمیر میں اہم کردار ادا کرتا ہے۔ مزلس رویلا ویکسین کو ان بیماریوں سے بچوں کی حفاظت کرکے 9 ماہ سے 15 سال کی عمر میں رکھنا چاہئے، جو زندگی کی زندگی لینے والی بیماری ہے۔ مولانا نے کہا کہ ضلع انتظامیہ اور محکمہ صحت کی جانب سے یہ ٹیکہ کاری مہم شروع کیا گیا جس کے تحت تمام اسکولوں، کالجوں، مدارس میں بچوں کو ٹیکے لگائے جا رہا ہے۔ اس کے بعد گھر گھر مہم چلا کر ٹیکے لگائے جائیں گے۔انھوں نے لوگوں سے اپیل کیا کہ اس بیماری سے بچنے کیلئے بچوں کو ٹیکہ ضرور لگائے۔ اس مہم میں لائنس کلب خاص طور پر تعاون کر رہا ہے۔مولانا نے کہا کہ اسلام مسلمانو ں کوجسمانی، روحانی دونوں ہی طرح سے صحت مند دیکھنا چاہتا ہے اس لئے مسلم سماج اور تمام مذہب کے لوگ اس ٹیکہ کاری مہم میں تعاون کرکے صحت مند قوم کی تعمیر میں شریک ہوں۔ نماز کے بعد مسجد کے دروازے سے بیداری ریلی ٹولی کو مولانا مصطفی اسلامی نے روانہ کیا جو محلے۔محلے میں جا کر لوگوں کو ٹیکہ کاری کرانے کیلئے بیدار کریں گے۔اس موقع پر لائنس کلب جونپور کے سید محمد مصطفی، سید محمد حسن نسیم، طالب رضا شکیل ایڈووکیٹ، تحسین عباس سونی، ناصر رضا گڈو، محمد مسلم، شیخ محمد حسن، حسن فتح پوری، جرار خان، قائم ساجد رضوی، شاداب الحسن، راجو مرزا، شاہد مہدی وغیرہ لوگ موجود رہے۔
فوٹو۔۔۔شیعہ مسجد سے ٹیکہ کاری بیداری مہم کا جلوس۔