Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, December 25, 2018

حکومت اردو کی ترقی کے لئیے پروگرام مرتب کرے۔۔اردو ڈیولپمنٹ آرگنائزیشن کا مطالبہ

کہتے ہیں اردو ہے پیار کی زبان،
مگر کب بنے گی سرکار کی زبان۔
. . . . . . . . . . . . . . . . . . . . . . . . . . . 
اجمیر راجستھان ۔صدائے وقت ۔/ نمائندہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو ڈیولپمنٹ آرگنائزیشن کے زیر اہتمام ایک پروگرام بعنوان "کہتے ہیں اردو ہے پیار کی زبان، مگر کب بنے گی  سرکار کی زبان " کا انعقاد کیا گیا۔پروگرام کی صدارت ڈاکٹر سید احمد نے کی۔پروگرام میں اردو کے تیئں حکومت کی عدم توجہی پر تشویش کا اظہار کیا گیا اور مطالبہ کیا گیا کہ اردو زبان کی ترقی کے لیئیے حکومت پروگرام مرتب کرے۔
اس موقع پر صدر ڈاکٹر سید احمد نے کہا کہ اردو پیار کی زبان ہے۔نوجوانوں کے دلوں کے جذبات کی زبان ہے مگر یہ ابھی تک سرکاری زبان کیوں نہیں بن سکی۔انھوں نے کہا کہ اتر پردیش ، دہلی سمیت سات صوبوں کی دوسری سرکاری زبان ہونے کے باوجود ابھی تک سرکاری طور پر مستعمل نہیں ہو سکی۔انھوں نے کہا کہ حکومت کی عدم توجہی کیوجہ سے اردو میں سائن بورڈ تک نا پید ہوتے جارہے ہیں۔
دوران پروگرام نیشنل پروگرام فار پرموشن آف اردو لینگویج اور تمام اردو اکیڈمیوں سے مانگ کی گئی کہ اردو رسم الخط کو عام کیا جائے اور یہ بھی مطالبہ کیا گیا کہ اقلیتی کمیشن کے دفتر سمیت سبھی شعبوں کے دفاتر میں اردو کی ایک سیل قائم کی جائے۔

Post Top Ad

Your Ad Spot