میں اکیلا ہی چلا تھا جانب منزل مگر۔۔۔۔۔۔۔۔۔۔۔۔۔۔۔۔!!!مجروح سلطان پوری۔

صداۓوقت کی پیش کش/ مجروح سلطانپوری ایک شخصیت۔
. . . . . . . . . . . . . . . . . . . . . . . . . . . 
,ﻣﻌﺮﻭﻑ ﻭ ﻣﻘﺒﻮﻝ ﮔﻠﻮﮐﺎﺭ ﮐﮯ . ﺍﯾﻞ . ﺳﮩﮕﻞ ﮐﺎ ﺟﺐ ﺍﻧﺘﻘﺎﻝ ﮨﻮﺍ ﺗﻮ ﺍﻥ ﮐﮯ ﺟﻨﺎﺯﮮ ﮐﮯ ﺳﺎﺗﮫ ﺍﯾﮏ ﻧﻐﻤﮧ ﻓﻀﺎ ﮐﻮ ﺳﻮﮔﻮﺍﺭ ﺑﻨﺎ ﺭﮨﺎ ﺗﮭﺎ۔ ﻧﻐﻤﮧ ﺗﮭﺎ ‘ ﺟﺐ ﺩﻝ ﮨﯽ ﭨﻮﭦ ﮔﯿﺎ … ۔ ’ ﺍﺱ ﻧﻐﻤﮧ ﮐﯽ ﺗﻔﺼﯿﻼﺕ ﺑﯿﺎﻥ ﮐﺮﻧﮯ ﮐﯽ ﭼﻨﺪﺍﮞ ﺿﺮﻭﺭﺕ ﻧﮩﯿﮟ ﮨﮯ ﮐﯿﻮﻧﮑﮧ ﻣﻮﺳﯿﻘﯽ ﺳﮯ ﺗﮭﻮﮌﯼ ﺑﮭﯽ ﺩﻟﭽﺴﭙﯽ ﺭﮐﮭﻨﮯ ﻭﺍﻻ ﺷﺨﺺ ﺍﺱ ﺳﮯ ﺁﺷﻨﺎ ﮨﮯ۔ ﯾﮧ ﻣﺮﺣﻮﻡ ﺍﮮ . ﮐﮯ . ﺳﮩﮕﻞ ﮐﯽ ﺁﻭﺍﺯ ﻣﯿﮟ ﮔﺎﯾﺎ ﮔﯿﺎ ﻣﺸﮩﻮﺭ ﺯﻣﺎﻧﮧ ﻧﻐﻤﮧ ﮨﮯ ﻟﯿﮑﻦ ﺍﺱ ﺷﮩﺮﮦٔ ﺁﻓﺎﻕ ﻧﻐﻤﮧ ﮐﻮ ﺻﻔﺤﮧ ﻗﺮﻃﺎﺱ ﭘﺮ ﺍﺗﺎﺭﻧﮯ ﮐﺎ ﺷﺮﻑ ﺟﺲ ﺍﻋﻠﯽٰ ﻣﺮﺗﺒﺖ ﺷﺨﺼﯿﺖ ﮐﻮ ﺣﺎﺻﻞ ﮨﮯ ﺍﺱ ﮐﺎ ﻧﺎﻡ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮨﮯ۔ ﺍﺩﺏ ﻣﯿﮟ ﺍﭘﻨﯽ ﺷﻌﺮﯼ ﺻﻼﺣﯿﺘﻮﮞ ﺍﻭﺭ ﻓﻠﻤﯽ ﺩﻧﯿﺎ ﻣﯿﮟ ﺍﭘﻨﯽ ﻧﻐﻤﮧ ﻧﮕﺎﺭﯼ ﮐﯽ ﻭﺟﮧ ﺳﮯ ﻋﻠﯿﺤﺪﮦ ﺷﻨﺎﺧﺖ ﻗﺎﺋﻢ ﮐﺮﻧﮯ ﻭﺍﻟﮯ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﺑﮭﯽ ﺁﺝ ﮨﻤﺎﺭﮮ ﺩﺭﻣﯿﺎﻥ ﻧﮩﯿﮟ ﮨﯿﮟ۔
24 ﻣﺌﯽ 2000 ﻣﯿﮟ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮐﮯ ﻧﺎﻡ ﮐﮯ ﺳﺎﺗﮫ ‘ ﻣﺮﺣﻮﻡ ’ ﻟﻔﻆ ﺟﮍ ﮔﯿﺎ ﺍﻭﺭ اب ﮨﻢ ﺍﻥ ﮐﯽ 17 ﻭﯾﮟ ﯾﻮﻡِ ﻭﻓﺎﺕ ﻣﻨﺎ ﺭﮨﮯ ﮨﯿﮟ۔

ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮐﯽ ﭘﯿﺪﺍﺋﺶ ﯾﮑﻢ ﺍﮐﺘﻮﺑﺮ 1919 ﮐﻮ ﮨﻮﺋﯽ۔ ﺟﯿﺴﺎ ﮐﮧ ﻧﺎﻡ ﺳﮯ ﮨﯽ ﻇﺎﮨﺮ ﮨﮯ ﺍﻥ ﮐﯽ ﭘﯿﺪﺍﺋﺶ ﺳﻠﻄﺎﻥ ﭘﻮﺭ ﻣﯿﮟ ﮨﻮﺋﯽ ﺟﻮ ﮐﮧ ﺍﺗﺮ ﭘﺮﺩﯾﺶ ﻣﯿﮟ ﻭﺍﻗﻊ ﮨﮯ۔ ﻟﯿﮑﻦ ﺍﻥ ﮐﺎ ﺍﺻﻞ ﻧﺎﻡ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﻧﮩﯿﮟ، ﺍﺳﺮﺍﺭﺍﻟﺤﺴﻦ ﺧﺎﻥ ﺗﮭﺎ۔ ﺷﻌﺮ ﻭ ﺷﺎﻋﺮﯼ ﺍﻭﺭ ﻓﻠﻤﻮﮞ ﻣﯿﮟ ﻧﻐﻤﮧ ﻧﮕﺎﺭﯼ ﮐﮯ ﺩﻭﺭﺍﻥ ﺍﻧﮭﻮﮞ ﻧﮯ ﺍﭘﻨﺎ ﺗﺨﻠﺺ ﻣﺠﺮﻭﺡ ﺭﮐﮭﺎ ﺍﻭﺭ ﭘﮭﺮ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮐﮯ ﻧﺎﻡ ﺳﮯ ﮨﯽ ﻣﻌﺮﻭﻑ ﮨﻮ ﮔﺌﮯ۔ ﺩﺭﺍﺻﻞ ﺍﻧﮭﯿﮟ ﺷﺎﻋﺮﯼ ﮐﺎ ﺷﻮﻕ ﻃﺎﻟﺐ ﻋﻠﻤﯽ ﮐﮯ ﺯﻣﺎﻧﮯ ﺳﮯ ﮨﯽ ﺗﮭﺎ ﻟﯿﮑﻦ ﻃﺐ ﯾﻮﻧﺎﻧﯽ ﮐﯽ ﺗﻌﻠﯿﻢ ﮐﮯ ﺩﻭﺭﺍﻥ ﻭﮦ ﺍﺱ ﻃﺮﻑ ﺯﯾﺎﺩﮦ ﺗﻮﺟﮧ ﻧﮩﯿﮟ ﺩﮮ ﺳﮑﮯ۔ ﻣﺠﺮﻭﺡ ﮐﮯ ﻭﺍﻟﺪ ﺳﺮﺍﺝ ﺍﻟﺤﻖ ﺧﺎﻥ، ﺟﻮ ﮐﮧ ﺳﺐ ﺍﻧﺴﭙﮑﭩﺮ ﺗﮭﮯ، ﺍﻧﮭﯿﮟ ﺍﻋﻠﯽٰ ﺗﻌﻠﯿﻢ ﺩﯾﻨﺎ ﭼﺎﮨﺘﮯ ﺗﮭﮯ ﺍﺳﯽ ﻟﯿﮯ ﺍﻧﮭﻮﮞ ﻧﮯ ﺳﺎﺗﻮﯾﮟ ﺟﻤﺎﻋﺖ ﻣﮑﻤﻞ ﮐﺮﻧﮯ ﮐﮯ ﺑﻌﺪ ﻋﺮﺑﯽ ﻭ ﻓﺎﺭﺳﯽ ﮐﯽ ﺗﻌﻠﯿﻢ ﮐﮯ ﻟﯿﮯ ﺳﺎﺕ ﺳﺎﻟﮧ ﮐﻮﺭﺱ ﻣﯿﮟ ﺩﺍﺧﻠﮧ ﮐﺮﺍ ﺩﯾﺎ۔ ﻣﺠﺮﻭﺡ ﻧﮯ ﺩﺭﺱ ﻧﻈﺎﻣﯽ ﮐﺎ ﮐﻮﺭﺱ ﻣﮑﻤﻞ ﮐﯿﺎ ﭘﮭﺮ ﻋﺎﻟﻢ ﺑﻦ ﮔﺌﮯ۔ ﺑﻌﺪ ﺍﺯﺍﮞ ﻟﮑﮭﻨﺆ ﮐﮯ ﺗﮑﻤﯿﻞ ﺍﻟﻄﺐ ﮐﺎﻟﺞ ﺳﮯ ﯾﻮﻧﺎﻧﯽ ﻃﺮﯾﻘﮧ ﻋﻼﺝ ﮐﯽ ﺗﻌﻠﯿﻢ ﺣﺎﺻﻞ ﮐﯽ۔ ﻭﮦ ﺣﮑﯿﻢ ﺗﻮ ﺑﻦ ﮔﺌﮯ ﺍﻭﺭ ﻟﻮﮔﻮﮞ ﻣﯿﮟ ﺍﻥ ﮐﯽ ﺣﮑﻤﺖ ﮐﯽ ﺧﺒﺮ ﺑﮭﯽ ﭘﮭﯿﻠﻨﯽ ﺷﺮﻭﻉ ﮨﻮ ﮔﺌﯽ، ﻟﯿﮑﻦ ﺑﭽﭙﻦ ﺳﮯ ﮨﯽ ﺍﻥ ﮐﮯ ﺍﻧﺪﺭ ﺷﻌﺮ ﻭ ﺷﺎﻋﺮﯼ ﮐﺎ ﺟﻮ ﻃﻮﻓﺎﻥ ﮨﻠﻮﺭﯾﮟ ﻣﺎﺭ ﺭﮨﺎ ﺗﮭﺎ، ﺍﺱ ﻣﯿﮟ ﺍﭼﺎﻧﮏ ﺍﺿﺎﻓﮧ ﮨﻮ ﮔﯿﺎ۔

ﺍﯾﺴﮯ ﻭﻗﺖ ﻣﯿﮟ ﺟﮕﺮ ﻣﺮﺍﺩ ﺁﺑﺎﺩﯼ ﺳﮯ ﻣﻼﻗﺎﺕ ﺍﻭﺭ ﺍﻥ ﮐﯽ ﺻﺤﺒﺖ ﻧﮯ ﺍﭘﻨﺎ ﺭﻧﮓ ﺩﮐﮭﺎﻧﺎ ﺷﺮﻭﻉ ﮐﯿﺎ۔ ﮐﻢ ﻋﻤﺮﯼ ﺳﮯ ﮨﯽ ﻣﺸﺎﻋﺮﻭﮞ ﻣﯿﮟ ﺷﺮﮐﺖ ﮐﺮﻧﮯ ﮐﮯ ﻋﺎﺩﯼ ﻣﺠﺮﻭﺡ ﺍﺏ ﺑﯿﺮﻭﻥ ﺭﯾﺎﺳﺖ ﻣﺸﺎﻋﺮﻭﮞ ﻣﯿﮟ ﺑﮭﯽ ﺷﺮﮐﺖ ﮐﺮﻧﮯ ﻟﮕﮯ ﺗﮭﮯ۔

1945 ﺀ ﮐﯽ ﺑﺎﺕ ﮨﮯ ﺟﺐ ﻣﺠﺮﻭﺡ ﻧﮯ ﻣﻤﺒﺌﯽ ﮐﮯ ﺍﯾﮏ ﻣﺸﺎﻋﺮﮮ ﻣﯿﮟ ﺷﺮﮐﺖ ﮐﯽ ﺗﮭﯽ۔ ﯾﮧ ﻭﮦ ﺩﻭﺭ ﺗﮭﺎ ﺟﺐ ﺍﻥ ﮐﯽ ﺷﺎﻋﺮﯼ ﺍﺩﺑﯽ ﺣﻠﻘﻮﮞ ﻣﯿﮟ ﺍﭘﻨﺎ ﭘﺮﭼﻢ ﻟﮩﺮﺍ ﺭﮨﯽ ﺗﮭﯽ۔ ﻣﻤﺒﺌﯽ ﮐﺎ ﺍﺱ ﻣﺸﺎﻋﺮﮮ ﻧﮯ ﻣﺠﺮﻭﺡ ﮐﯽ ﺯﻧﺪﮔﯽ ﮐﺎ ﺭﺥ ﮨﯽ ﻣﻮﮌ ﺩﯾﺎ۔ ﻣﺬﮐﻮﺭﮦ ﻣﺸﺎﻋﺮﮮ ﻣﯿﮟ ﻓﻠﻢ ﺍﻧﮉﺳﭩﺮﯼ ﮐﮯ ﻣﺸﮩﻮﺭ ﭘﺮﻭﮈﯾﻮﺳﺮ ﺍﮮ ﺁﺭ ﮐﺎﺭﺩﺍﺭ ﺑﮭﯽ ﺷﺮﯾﮏ ﺗﮭﮯ ﺟﻨﮭﯿﮟ ﺍﻥ ﮐﯽ ﺷﺎﻋﺮﯼ ﻧﮯ ﺍﭘﻨﺎ ﺩﻟﺪﺍﺩﮦ ﺑﻨﺎ ﻟﯿﺎ۔ ﮐﺎﺭﺩﺍﺭ ﻧﮯ ﻓﻮﺭﺍً ﻣﺠﺮﻭﺡ ﮐﮯ ﭘﺎﺱ ﻧﻐﻤﮧ ﻧﮕﺎﺭﯼ ﮐﯽ ﭘﯿﺶ ﮐﺶ ﮐﯽ۔ ﺣﺎﻻﻧﮑﮧ ﺍﺱ ﻭﻗﺖ ﺍﻧﮭﻮﮞ ﻧﮯ ﻣﻨﻊ ﮐﺮ ﺩﯾﺎ ﻟﯿﮑﻦ ﺟﺐ ﺟﮕﺮ ﻣﺮﺍﺩ ﺁﺑﺎﺩﯼ ﻧﮯ ﻣﺠﺮﻭﺡ ﮐﻮ ﺳﻤﺠﮭﺎﯾﺎ ﺗﻮ ﻭﮦ ﺭﺍﺿﯽ ﮨﻮ ﮔﺌﮯ۔ ﭘﮭﺮ ﮐﺎﺭﺩﺍﺭ ﻧﮯ ﻣﻮﺳﯿﻘﺎﺭ ﻧﻮﺷﺎﺩ ﺳﮯ ﻣﺠﺮﻭﺡ ﮐﯽ ﻣﻼﻗﺎﺕ ﮐﺮﺍﺋﯽ۔ ﯾﮧ ﻭﮦ ﻣﻮﻗﻊ ﺗﮭﺎ ﺟﺐ ﺩﻭ ﺑﮍﯼ ﺷﺨﺼﯿﺘﻮﮞ ﮐﺎ ‘ ﻣﻠﻦ ’ ﮨﻮ ﺭﮨﺎ ﺗﮭﺎ۔ ﻧﻮﺷﺎﺩ ﻧﮯ ﻓﻮﺭﺍً ﺍﯾﮏ ﺳﺎﺯ ‏( ﺩﮬﻦ ‏) ﭘﯿﺶ ﮐﯿﺎ ﺍﻭﺭ ﻧﻐﻤﮧ ﻟﮑﮭﻨﮯ ﮐﯽ ﻓﺮﻣﺎﺋﺶ ﮐﯽ۔ ﮔﻮﯾﺎ ﻣﺠﺮﻭﺡ ﮐﺎ ﭘﮩﻼ ﻓﻠﻤﯽ ﻧﻐﻤﮧ ﻣﻨﻈﺮ ﻭﺟﻮﺩ ﭘﺮ ﺁﯾﺎ۔ ﻭﮦ ﻧﻐﻤﮧ ﺗﮭﺎ :

ﺟﺐ ﺍﺱ ﻧﮯ ﮔﯿﺴﻮ ﺑﮑﮭﺮﺍﺋﮯ ﺑﺎﺩﻝ ﺁﯾﺎ ﺟﮭﻮﻡ ﮐﮯ
ﻣﺴﺖ ﺍﻣﻨﮕﯿﮟ ﻟﮩﺮﺍﺋﯽ ﮨﮯ ﺭﻧﮕﯿﮟ ﻣﮑﮭﮍﺍ ﭼﻮﻡ ﮐﮯ

ﻧﻮﺷﺎﺩ ﮐﻮ ﯾﮧ ﻧﻐﻤﮧ ﺑﮩﺖ ﭘﺴﻨﺪ ﺁﯾﺎ ﺍﻭﺭ ﺍﻧﮭﻮﮞ ﻧﮯ ﻓﻠﻢ ‘ ﺗﺎﺝ ﻣﺤﻞ ’ ﻣﯿﮟ ﻧﻐﻤﮧ ﻧﮕﺎﺭﯼ ﮐﯽ ﺫﻣﮧ ﺩﺍﺭﯼ ﻣﺠﺮﻭﺡ ﮐﮯ ﺳﭙﺮﺩ ﮐﺮ ﺩﯼ۔ ﺍﺱ ﻓﻠﻢ ﮐﮯ ﻧﻐﻤﻮﮞ ﮐﯽ ﭘﺴﻨﺪﯾﺪﮔﯽ ﮐﺎ ﯾﮧ ﻋﺎﻟﻢ ﺗﮭﺎ ﮐﮧ ﺳﺒﮭﯽ ﮐﯽ ﺯﺑﺎﻥ ﭘﺮ ﺻﺮﻑ ﻣﺠﺮﻭﺡ ﮐﺎ ﮨﯽ ﻧﺎﻡ ﺗﮭﺎ۔ ﺍﺱ ﮐﮯ ﺑﻌﺪ ﺍﻥ ﮐﮯ ﭘﺎﺱ ﻧﻐﻤﮧ ﻧﮕﺎﺭﯼ ﮐﮯ ﻟﯿﮯ ﮐﺌﯽ ﭘﯿﺶ ﮐﺶ ﺁﺋﮯ ﺍﻭﺭ ﯾﮩﯽ ﻣﻮﻗﻊ ﺗﮭﺎ ﺟﺐ ﻭﮦ ﺑﺎﻟﯽ ﻭﻭﮈ ﮐﮯ ﮨﻮ ﮐﺮ ﺭﮦ ﮔﺌﮯ۔ ﺣﺎﻻﻧﮑﮧ ﺍﯾﺴﺎ ﮐﮩﻨﺎ ﺩﺭﺳﺖ ﻧﮩﯿﮟ ﮨﻮﮔﺎ ﮐﮧ ﺍﻧﮭﻮﮞ ﻧﮯ ﻓﻠﻤﻮﮞ ﻣﯿﮟ ﻧﻐﻤﮧ ﻧﮕﺎﺭﯼ ﮐﯽ ﺍﻭﺭ ﺍﺩﺏ ﺳﮯ ﮐﻨﺎﺭﮦ ﮐﺶ ﮨﻮ ﮔﺌﮯ، ﻟﯿﮑﻦ ﯾﮧ ﺑﮭﯽ ﺣﻘﯿﻘﺖ ﮨﮯ ﮐﮧ ﺍﻧﮭﻮﮞ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ ﮐﻢ ﻭ ﺑﯿﺶ 70 ﻏﺰﻟﯿﮟ ﻟﮑﮭﯽ ﮨﯿﮟ ﺟﺐ ﮐﮧ ﻓﻠﻤﯽ ﻧﻐﻤﻮﮞ ﮐﯽ ﺗﻌﺪﺍﺩ ﺗﻘﺮﯾﺒﺎً 4000 ﮨﮯ۔ ﻣﺎﮨﺮﯾﻦ ﺍﺩﺏ ﮐﺎ ﺗﻮ ﯾﮩﺎﮞ ﺗﮏ ﮐﮩﻨﺎ ﮨﮯ ﮐﮧ ﻣﺠﺮﻭﺡ ﺍﺩﺑﯽ ﺷﺎﻋﺮﯼ ﭘﺮ ﺗﻮﺟﮧ ﺩﯾﻨﮯ ﮐﮯ ﺑﺠﺎﺋﮯ ﻓﻠﻤﯽ ﺩﻧﯿﺎ ﮐﯽ ﻧﺬﺭ ﮨﻮ ﮔﺌﮯ۔ ﻟﯿﮑﻦ ﺷﺎﻋﺮ ﺍﺷﻌﺮ ﮨﺎﺷﻢ ﮐﺎ ﻧﻈﺮﯾﮧ ﮐﭽﮫ ﻣﺨﺘﻠﻒ ﮨﮯ۔ ﻭﮦ ﮐﮩﺘﮯ ﮨﯿﮟ ﮐﮧ ” ﻣﺠﺮﻭﺡ ﻧﮯ ﻓﻠﻤﻮﮞ ﮐﮯ ﻟﯿﮯ ﺻﺮﻑ ﺷﻮﻗﯿﮧ ﻟﮑﮭﺎ ﮨﮯ ﺍﻭﺭ ﺍﻥ ﮐﯽ ﭘﮩﻠﯽ ﻣﺤﺒﺖ ﻏﺰﻝ ﺗﮭﯽ۔ ﺍﻧﮭﻮﮞ ﻧﮯ ﻓﻠﻤﯽ ﻧﻐﻤﻮﮞ ﻣﯿﮟ ﺑﮭﯽ ﺍﺭﺩﻭ ﺍﺩﺏ ﮐﯽ ﺗﺎﺛﯿﺮ ﮐﻮ ﺑﺮﻗﺮﺍﺭ ﺭﮐﻨﮯ ﮐﯽ ﻃﺮﻑ ﭘﻮﺭﯼ ﺗﻮﺟﮧ ﺩﯼ ﺗﮭﯽ۔
ﺑﻼﺷﺒﮧ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮐﮯ ﻓﻠﻤﯽ ﻧﻐﻤﻮﮞ ﻣﯿﮟ ﮨﻤﯿﮟ ﺧﯿﺎﻻﺕ ﮐﯽ ﻧﺎﺯﮐﯽ ﮐﮯ ﺳﺎﺗﮫ ﺳﺎﺗﮫ ﺯﻧﺪﮔﯽ ﮐﮯ ﺗﺠﺮﺑﺎﺕ ﺟﺲ ﺍﻧﺪﺍﺯ ﻣﯿﮟ ﭘﯿﺶ ﭘﯿﺶ ﻧﻈﺮ ﺁﺗﮯ ﮨﯿﮟ ﻭﮦ ﺍﻥ ﮐﯽ ﺍﺩﺏ ﭘﺮﻭﺭﯼ ﮐﺎ ﮨﯽ ﻧﺘﯿﺠﮧ ﮨﮯ۔ ﻧﻐﻤﻮﮞ ﮐﻮ ﺩﯾﮑﮫ ﮐﺮ ﺍﻧﺪﺍﺯﮦ ﮨﻮﺗﺎ ﮨﮯ ﮐﮧ ﯾﮧ ﮐﺴﯽ ﺍﯾﺴﮯ ﺗﺨﻠﯿﻖ ﮐﺎﺭ ﮐﮯ ﻗﻠﻢ ﺳﮯ ﺻﻔﺤﮧ ﻗﺮﻃﺎﺱ ﭘﺮ ﺍﺗﺮﮮ ﮨﯿﮟ ﺟﻮ ﻧﮧ ﺻﺮﻑ ﻏﺰﻟﯿﮧ ﺷﺎﻋﺮﯼ ﮐﺎ ﮔﮩﺮﺍ ﺍﺩﺭﺍﮎ ﺭﮐﮭﺘﺎ ﮨﮯ ﺑﻠﮑﮧ ﺟﺲ ﻧﮯ ﺗﻤﺎﻡ ﺭﻣﻮﺯ ﻭ ﻋﻼﺋﻢ ﮐﻮ ﺍﺷﻌﺎﺭ ﮐﮯ ﻗﺎﻟﺐ ﻣﯿﮟ ﮈﮬﺎﻝ ﺩﯾﺎ ﮨﮯ۔ ﺟﮕﺮ ﻣﺮﺍﺩ ﺁﺑﺎﺩﯼ ﮐﮯ ﺷﺎﮔﺮﺩ ﺍﻭﺭ ﻣﺸﮩﻮﺭ ﺷﺎﻋﺮ
ﺑﯿﮑﻞ ﺍﺗﺴﺎﮨﯽ ﻧﮯ ﻣﺠﺮﻭﺡ ﮐﮯ ﺑﺎﺭﮮ ﻣﯿﮟ ﮐﯿﺎ ﺧﻮﺏ ﮐﮩﺎ ﮨﮯ ﮐﮧ
” ﻣﺠﺮﻭﺡ ﺍﯾﮏ ﺍﯾﺴﮯ ﺷﺎﻋﺮ ﺗﮭﮯ ﺟﻦ ﮐﮯ ﮐﻼﻡ ﻣﯿﮟ ﺳﻤﺎﺝ ﮐﺎ ﺩﺭﺩ ﺟﮭﻠﮑﺘﺎ ﺗﮭﺎ۔ ﺍﻧﮭﻮﮞ ﻧﮯ ﺯﻧﺪﮔﯽ ﮐﻮ ﺍﯾﮏ ﻓﻠﺴﻔﯽ ﮐﮯ ﻧﻈﺮﯾﮯ ﺳﮯ ﺩﯾﮑﮭﺎ ﺍﻭﺭ ﺍﺭﺩﻭ ﺷﺎﻋﺮﯼ ﮐﻮ ﻧﺌﯽ ﺍﻭﻧﭽﺎﺋﯿﺎﮞ ﻋﻄﺎ ﮐﯿﮟ۔ ”

ﺩﺭﺍﺻﻞ ﻣﺠﺮﻭﺡ ﮐﯽ ﻧﻈﺮ ﺳﻤﺎﺟﯽ ﻣﺴﺎﺋﻞ ﮐﮯ ﺳﺎﺗﮫ ﺯﻧﺪﮔﯽ ﮐﯽ ﮐﺸﻤﮑﺶ ﭘﺮ ﺑﮭﯽ ﺭﮨﺘﯽ ﺗﮭﯽ۔ ﻭﮦ ﺍﭘﻨﮯ ﻗﻠﻢ ﮐﮯ ﺫﺭﯾﻌﮧ ﺳﻤﺎﺟﻮﺍﺩ ﮐﺎ ﭘﺮﭼﻢ ﺑﻠﻨﺪ ﮐﺮﻧﮯ ﻭﺍﻟﮯ ﺷﺎﻋﺮﻭﮞ ﻣﯿﮟ ﺷﻤﺎﺭ ﮐﯿﮯ ﺟﺎﺗﮯ ﮨﯿﮟ۔ ﺗﺮﻗﯽ ﭘﺴﻨﺪ ﻣﺼﻨّﻔﯿﻦ ﮐﯽ ﺗﺤﺮﯾﮏ ﺳﮯ ﻭﺍﺑﺴﺘﮧ ﮨﻮﻧﮯ ﮐﮯ ﺑﻌﺪ ﻭﮦ ﺣﮑﻮﻣﺖ ﻣﺨﺎﻟﻒ ﻧﻈﻢ ﻟﮑﮭﻨﮯ ﮐﯽ ﭘﺎﺩﺍﺵ ﻣﯿﮟ ﻗﯿﺪ ﻭ ﺑﻨﺪ ﮐﺎ ﺷﮑﺎﺭ ﺑﮭﯽ ﮨﻮﺋﮯ۔ ﯾﮧ ﻭﮦ ﺩﻭﺭ ﺗﮭﺎ ﺟﺐ ﺍﻥ ﮐﯽ ﻣﺎﻟﯽ ﺣﺎﻟﺖ ﺧﺮﺍﺏ ﮨﻮ ﭼﮑﯽ ﺗﮭﯽ۔ 1949 ﻣﯿﮟ ﻣﺠﺮﻭﺡ ﮐﯽ ﭘﺮﯾﺸﺎﻧﯿﻮﮞ ﮐﻮ ﺩﯾﮑﮭﺘﮯ ﮨﻮﺋﮯ ﺑﺎﻟﯽ ﻭﻭﮈ ﮐﮯ ‘ ﺷﻮ ﻣﯿﻦ ’ ﺭﺍﺝ ﮐﭙﻮﺭ ﻧﮯ ﺍﻥ ﮐﯽ ﻣﺪﺩ ﺑﮭﯽ ﮐﺮﻧﯽ ﭼﺎﮨﯽ ﺗﮭﯽ ﻟﯿﮑﻦ ﻣﺠﺮﻭﺡ ﮐﯽ ﺧﻮﺩﺩﺍﺭﯼ ﮐﮯ ﮐﯿﺎ ﮐﮩﻨﮯ۔ ﺍﻧﮭﻮﮞ ﻧﮯ ﺍﻥ ﮐﯽ ﭘﯿﺸﮑﺶ ﺧﺎﺭﺝ ﮐﺮ ﺩﯼ۔ ﭘﮭﺮ ﺭﺍﺝ ﮐﭙﻮﺭ ﻧﮯ ﺍﯾﮏ ﻧﻐﻤﮧ ﻟﮑﮭﻨﮯ ﮐﯽ ﻓﺮﻣﺎﺋﺶ ﮐﯽ ﺟﺲ ﺳﮯ ﻣﺠﺮﻭﺡ ﺍﻧﮑﺎﺭ ﻧﮩﯿﮟ ﮐﺮ ﺳﮑﮯ۔ ﺍﺱ ﻣﻮﻗﻊ ﭘﺮ ﻣﺠﺮﻭﺡ ﻧﮯ ﺍﭘﻨﮯ ﺩﺭﺩ ﻭ ﺍﻟﻢ ﮐﻮ ﮐﺎﻏﺬ ﭘﺮ ﺑﮑﮭﯿﺮﺗﮯ ﮨﻮﺋﮯ ﯾﮧ ﻧﻐﻤﮧ ﻟﮑﮭﺎ :

ﺍﯾﮏ ﺩﻥ ﺑﮏ ﺟﺎﺋﮯ ﮔﺎ ﻣﺎﭨﯽ ﮐﮯ ﻣﻮﻝ
ﺟﮓ ﻣﯿﮟ ﺭﮦ ﺟﺎﺋﯿﮟ ﮔﮯ ﭘﯿﺎﺭﮮ ﺗﯿﺮﮮ ﺑﻮﻝ

ﺭﺍﺝ ﮐﭙﻮﺭ ﻧﮯ ﺍﺱ ﻧﻐﻤﮧ ﮐﮯ ﻟﯿﮯ ﺍﻧﮭﯿﮟ 1000 ﺭﻭﭘﮯ ﺩﯾﮯ ﺗﮭﮯ۔ ﯾﮧ ﻧﻐﻤﮧ ﺭﺍﺝ ﮐﭙﻮﺭ ﻧﮯ 1975 ﻣﯿﮟ ﺍﭘﻨﯽ ﻓﻠﻢ ‘ ﺩﮬﺮﻡ ﮐﺮﻡ ’ ﻣﯿﮟ ﺷﺎﻣﻞ ﮐﯿﺎ ﺗﮭﺎ۔ ﻣﺠﺮﻭﺡ ﻧﮯ ﻓﻠﻤﻮﮞ ﻣﯿﮟ ﺭﻭﺍﯾﺘﯽ ﺍﻧﺪﺍﺯ ﮐﯽ ﻧﻐﻤﮧ ﻧﮕﺎﺭﯼ ﺳﮯ ﮨﻤﯿﺸﮧ ﭘﺮﮨﯿﺰ ﮐﯿﺎ۔ ﺷﺎﻋﺮﯼ ﮐﮯ ﻟﯿﮯ ﺍﻧﮭﻮﮞ ﻧﮯ ﺣﮑﯿﻤﯽ ﮐﺎ ﭘﯿﺸﮧ ﺗﻮ ﺗﺮﮎ ﮐﺮ ﺩﯾﺎ ﻟﯿﮑﻦ ﺍﻧﺴﺎﻥ ﮐﮯ ﻧﺒﺾ ﭘﺮ ﺍﻥ ﮐﺎ ﮨﺎﺗﮫ ﮨﻤﯿﺸﮧ ﺭﮨﺘﺎ ﺗﮭﺎ۔ ﺍﻧﮭﻮﮞ ﻧﮯ ﺟﻮ ﮐﭽﮫ ﻣﺤﺴﻮﺱ ﮐﯿﺎ ﺍﺳﮯ ﻧﻐﻤﮧ ﮐﮯ ﭘﯿﺮﺍﯾﮧ ﻣﯿﮟ ﮈﮬﺎﻝ ﺩﯾﺎ۔ ﻓﻠﻤﺴﺎﺯ ﻭ ﮨﺪﺍﯾﺖ ﮐﺎﺭ ﻧﺎﺻﺮ ﺣﺴﯿﻦ ﮐﮯ ﺳﺎﺗﮫ ﻣﺘﻌﺪﺩ ﻓﻠﻤﻮﮞ ﻣﯿﮟ ﺍﻧﮭﻮﮞ ﻧﮯ ﺟﺲ ﻃﺮﺡ ﮐﯽ ﻧﻐﻤﮧ ﻧﮕﺎﺭﯼ ﮐﯽ ﮨﮯ، ﻭﮦ ﺍﺱ ﺑﺎﺕ ﮐﺎ ﺛﺒﻮﺕ ﮨﯿﮟ۔

‘ ﭘﮭﺮ ﻭﮨﯽ ﺩﻝ ﻻﯾﺎ ﮨﻮﮞ ’ ، ‘ ﺗﯿﺴﺮﯼ ﻣﻨﺰﻝ ’ ، ‘ ﺑﮩﺎﺭﻭﮞ ﮐﮯ ﺳﭙﻨﮯ ’ ، ‘ ﮐﺎﺭﻭﺍﮞ ’ ، ‘ ﺧﺎﻣﻮﺷﯽ ’ ﻭﻏﯿﺮﮦ ﺍﯾﺴﯽ ﻓﻠﻤﯿﮟ ﮨﯿﮟ ﺟﻦ ﮐﮯ ﮐﺴﯽ ﺍﯾﮏ ﻧﻐﻤﮧ ﮐﻮ ﺑﻄﻮﺭ ﻣﺜﺎﻝ ﭘﯿﺶ ﻧﮩﯿﮟ ﮐﯿﺎ ﺟﺎ ﺳﮑﺘﺎ ﺑﻠﮑﮧ ﺍﺱ ﻣﯿﮟ ﻣﻮﺟﻮﺩ ﺳﺒﮭﯽ ﻧﻐﻤﮯ ﻓﻠﻤﻮﮞ ﮐﯽ ﮐﺎﻣﯿﺎﺑﯽ ﮐﺎ ﺿﺎﻣﻦ ﺑﻨﯽ ﮨﯿﮟ۔
ﻓﻠﻢ ‘ ﺩﻭﺳﺘﯽ ’ ﮐﮯ ﻧﻐﻤﮧ ‘ ﭼﺎﮨﻮﮞ ﮔﺎ ﻣﯿﮟ ﺗﺠﮭﮯ ﺳﺎﻧﺠﮫ ﺳﻮﯾﺮﮮ ’ ﮐﮯ ﻟﯿﮯ ﻓﻠﻢ ﻓﯿﺌﺮ ﺍﯾﻮﺍﺭﮈ ﺣﺎﺻﻞ ﮐﺮﻧﮯ ﻭﺍﻟﮯ ﻣﺠﺮﻭﺡ ﺳﻠﻄﺎﻥ ﭘﻮﺭﯼ ﮐﮯ ﻧﺎﻡ ﻓﻠﻤﯽ ﺩﻧﯿﺎ ﮐﮯ ﺳﺐ ﺳﮯ ﺑﮍﮮ ﺍﻋﺰﺍﺯ ‘ ﺩﺍﺩﺍ ﺻﺎﺣﺐ ﭘﮭﺎﻟﮑﮯ ﺍﯾﻮﺍﺭﮈ ’ ﺣﺎﺻﻞ ﮐﺮﻧﮯ ﻭﺍﻻ ﭘﮩﻼ ﻧﻐﻤﮧ ﻧﮕﺎﺭ ﮨﻮﻧﮯ ﮐﺎ ﺷﺮﻑ ﺑﮭﯽ ﺣﺎﺻﻞ ﮨﮯ۔

نمونہ کلام:
ﭼﺎﮎِ ﺟﮕﺮ ﻣﺤﺘﺎﺝِ ﺭﻓﻮ ﮨﮯ، ﺁﺝ ﺗﻮ ﺩﺍﻣﻦ ﺻﺮﻑ ﻟﮩﻮ ﮨﮯ
ﺍﯾﮏ ﻣﻮﺳﻢ ﺗﮭﺎ ﮨﻢ ﮐﻮ ﺭﮨﺎ ﮨﮯ ﺷﻮﻕِ ﺑﮩﺎﺭﺍﮞ ﺗﻢ ﺳﮯ ﺯﯾﺎﺩﮦ​
۔۔۔۔۔۔۔۔۔۔۔۔۔
ﺩﺭﺩ ﮐﺎ ﺩﺭﺩ ﺳﮯ ﺭِﺷﺘﮧ ﮨﮯ، ﭼﻠﻮ ﺍﮮ ﻣﺠﺮﻭﺡؔ !
ﺁﺝ ﯾﺎﺭﻭﮞ ﺳﮯ ﯾﮧ ﺍِﮎ ﻋُﻘﺪۂ ﺁﺳﺎﮞ ﺗﻮ ﮐُﮭﻼ
۔۔۔۔۔۔۔۔۔۔۔۔۔
ﺷﺮﺡِ ﻏﻢ ﺗﻮ ﻣﺨﺘﺼﺮ ﮨﻮﺗﯽ ﮔﺌﯽ ﺍﺱ ﮐﮯ ﺣﻀﻮﺭ
ﻟﻔﻆ ﺟﻮ ﻣﻨﮧ ﺳﮯ ﻧﮧ ﻧﮑﻼ ﺩﺍﺳﺘﺎﮞ ﺑﻨﺘﺎ ﮔﯿﺎ
ﺩﮨﺮ ﻣﯿﮟ ﻣﺠﺮﻭﺡ ﮐﻮﺋﯽ ﺟﺎﻭﺩﺍﮞ ﻣﻀﻤﻮﮞ ﮐﮩﺎﮞ
ﻣﯿﮟ ﺟﺴﮯ ﭼﮭﻮﺗﺎ ﮔﯿﺎ ﻭﮦ ﺟﺎﻭﺩﺍﮞ ﺑﻨﺘﺎ ﮔﯿﺎ