مودی اگر دوبارہ پک ایم نہیں بنے تو میں خود کشی کر لوں گا۔۔۔۔۔۔۔۔۔۔۔۔۔۔وسیم رضوی۔

*نئی دہلی (ذرائع/صداۓوقت)۔
. . . . . . . . . . . . . . . . . . . . . . . . . . . 
اتر پردیش شیعہ سینٹرل وقف بورڈ کے چیئرمین وسیم رضوی نے کہا ہے کہ اگر نریندر مودی دوبارہ وزیر اعظم نہیں بنے تو میں خودکشی کر لوں گا۔ لکھنو میں وسیم رضوی نے یہ بیان دیا ہے۔ وسیم رضوی کاشماریوپی بی جے پی حکومت کے مقربین میں ہوتاہے ۔ وسیم رضوی نے کہا کہ اگر 2019 میں نریندر مودی پھر سے ملک کے وزیر اعظم نہیں بنے تو میں ایودھیا میں رام مندر کے گیٹ کے پاس جا کر خود کشی کر لوں گا! ۔ایودھیامیں رام مندر بنانے کے حق میں کئی بار بیان دے چکا وسیم رضوی نے کہا کہ اگر 2019 میں کسی اور سیاسی پارٹی کا لیڈر مبینہ طو رپر غداروں کی مدد سے وزیر اعظم بن جاتا ہے تو میں خود کشی کر لوں گا، کیونکہ غداروں کے ہاتھوں مرنے سے اچھا ہے عزت کی موت مرا جائے ۔ وسیم رضوی نے کہا کہ بھارت کے وفارداروں میں پی ایم نریندر مودی کے لئے محبت ہے تو غداری کے درمیان ان کے لئے خوف ہے۔سیم رضوی نے کہا کہ نریندر مودی ملک کے موثر وزیر اعظم ہیں۔وسیم رضوی نے کہا کہ ہر قوم ہر مذہب سے اوپر ہوتا ہے، جب بھی میں قومی مفاد کی کوئی بات کرتا ہوں تو بنیاد پرست مجھے جان سے مارنے کی دھمکی دیتے ہیں“۔