Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Tuesday, November 19, 2019

”بانگ کہن “ 67.....۔نظم /از مولانا فضیل ناصری۔



 فضیل احمد ناصری /صداٸے وقت۔
==================

جب  بھروسا  رہ  نہیں جاتا خدا کی شان پر
لازماً  پیشانیاں  جھکتی  ہیں پھر شیطان پر

خیر  ہو  مقصود  تو  ہر  ماہ  کو  رمضاں  بنا
نیکیاں  موقوف  مت  رکھ   آمدِ  رمضان  پر

اےمسلماں کب بنےگی تیری جمعیت کی بات
تیرے  دشمن  ہیں  اکٹھے ایک دسترخوان پر

کس  قدر  ایماں  حدیثوں پر ہے اسرائیل کو
کب  ترا  ایماں  بنے  گا  مصحفِ  عثمانؓ  پر؟

اب  سعودی  بھی  حریفِ  دینِ  قیم  ہو گیا
کوئی  کیا  تہمت  رکھے  امریکہ و  ایران پر

آ رہی  ہے  ملتِ  بیضا  کو  پھر خیبر کی یاد
پھر  نگاہیں  ٹک گئی ہیں حیدرِ ذی شانؓ  پر

بد نظر دشمن کی اس کو، آخرش پڑ ہی گئی
یا   الہی  فضل  فرما  میرے  ہندوستان   پر

جن کو بخشا تھا خدایا تو نے قرآن و حدیث
مر  رہے  ہیں  اب  وہی باطل کے ہر فرمان پر

کون دےپائےگا ہم میں عسکرِ مہدی کا ساتھ
ہر جماعت ہے  مصبیت  دوسرے کی جان پر

Post Top Ad

Your Ad Spot