پاکستان۔۔اسلام آباد ۔۔۔عورت مارچ کے شرکاءٕ پر پتھراٶ۔۔۔

اسلام آبادیب۔۔پاکستان /صداٸے وقت /ذراٸع۔٨ مارچ ٢٠٢٠۔

==============================

خواتین کے عالمی دن پر پاکستان کے کئی شہروں میں عورت آزادی مارچ کے تحت آج (اتوار) کو ریلیاں نکالی گٸیں ہیں۔ گذشتہ برسوں میں مارچ میں استعمال ہونے والے بینرز اور نعرے تنازعے کا باعث بنے۔ خواتین کے عالمی دن پر پاکستان کے کئی شہروں میں عورت آزادی مارچ کے تحت آج (اتوار) کو ریلیاں نکالی گٸیں۔ اسلام آباد میں حیا مارچ کے شرکا کی جانب سے عورت مارچ پر پتھراؤ کیا گیا تاہم پولیس نے صورتِحال پر قابو پا لیا ہے اور مارچ ا جاری رہا۔

خواتین کا عورت مارچ کا خلاصہ۔

1. آج دنیا بھر میں خواتین کا عالمی دن منایا جا رہا ہے۔ پاکستان میں خواتین اس دن کی مناسبت سے ایک ’عورت مارچ‘ کریں گی۔
2. یہ سلسلہ 2018 میں شروع ہوا اور اس سال یہ ملک میں ہونے والا تیسرا عورت مارچ ہے۔
3. گذشتہ برس عورت مارچ کے شرکا کی جانب سے بنائے گئے چند بینر، پوسٹر اور نعرے تنازعے کا باعث بنے اور ان کو بنانے والی خواتین کو سوشل میڈیا پر شدید تنقید کا سامنا کرنا پڑا۔
4. اس سال کا عورت مارچ زیادہ منظم طریقے سے مرتب کیا گیا ہے اور لاہور ہائی کورٹ نے اس کی باقاعدہ اجازت دیتے ہوئے کہا کہ آزادی اظہار پر کسی قسم کا سمجھوتہ نہیں کیا جا سکتا۔
5. مختلف شہروں کی انتظامیہ نے عورت مارچ کی اجازت دیتے ہوئے یہ شرط رکھی ہے کہ کسی ایسے پوسٹر یا بینر کی اجازت نہیں ہوگی جو پاکستان کی معاشرتی اقدار کے خلاف ہے۔
6. عورت مارچ کے مخالفین نے اس مارچ کے خلاف آج ’یومِ حیا‘ منانے کا اعلان بھی کیا ہے۔ جن میں جمیعت علمائے اسلام سمیت دیگر مذہبی جماعتیں اور گروہ بھی شامل ہیں۔

7. کراچی  نامہ نگاروں سے بات کرتے ہوئے گلوکار اور سماجی کارکن اریب اظہر کا کہنا ہے کہ ’معاشرے میں تبدیلی اُس وقت ہی ممکن ہوگی جب مرد و خواتین مل کر تمام انسانوں کے حقوق کے لیے کام کریں گے۔‘

   اریب اظہر کا کہنا تھا کہ ’عورت مارچ کے ’میرا جسم میری مرضی‘ جیسےنعروں پر تنازع نہیں بننا چاہیے تھا، یہ ان لوگوں کی سازش ہے جو اس مارچ کے مخالف ہیں۔‘

   ’معاشرے میں بہت سے مرد ایسے ہیں جب وہ ان نعروں کو سنتے ہیں تو ان کو لگتا ہے کہ خواتین ان کے ذریعے جنسی آزادی مانگ رہی ہیں۔ تاہم خواتین کو ان نعروں سے ایسا نہیں لگتا، بلکہ ان کے دماغ میں یہ چلتا ہے کہ ان کی مرضی کے بغیر ان کی شادی نہ ہو، انھیں کام کرنے کی آزادی ہو۔‘