ایس سی/ ایس ٹی گھوٹالہ۔

یہ ہو سکتا ہے ملک کا سب سے بڑا گھوٹالہ۔
. . . . . . . .  . . . . . . . . . . .  . . . . . 
ایس سی / ایس ٹی گھوٹالہ معاملہ اب عدالت عظمیٰ میں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔. . . . 
صحیح طریقے سے جانچ ہو گئی تو ہو سکتا ہے ملک کا اب تک کا سب سے بڑا گھوٹالہ۔.  ایڈوکیٹ ایم ایل شرما۔
. . . . . . . . . . . . . . . . . . . . . . . . . . 
صدائے وقت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں درج فہرست ذات و درج فہرست قبائل کے دسویں پاس کے طلباء کے تعلیمی وظیفے کے متعلق ہوئے بھاری بھرکم رقم کے خرد برد کا معاملہ اب عدالت عظمیٰ تک پہنچ گیا ہے۔جن ستا ڈاٹ کام کی ایک ریپورٹ کے بعد یہ معاملہ روشنی میں آیا۔اس رپورٹ اور کیگ کی رپورٹ کی بنیاد پر سپریم کورٹ کے معروف وکیل ایم ایل شرما نے چیف جسٹس آف انڈیا جسٹس دیپک مشرا کی بینچ میں ایک رٹ داخل کی جس میں مانگ کی گئی کہ اس معاملے کی سی بی آئی سے جانچ کرائی جائے۔چیف جسٹس کی بینچ نے معاملے کی سنوائی کی مانگ کو مان لیا۔رٹ میں یہ بھی مانگ کی گئی ہے کہ اس گھوٹالے سے متعلق تمام ذمے داران۔تعلیمی ادارے اور سماجی انصاف سے متعلق وزارت کے افسران کو بھی قصور وار پائے جانے پر قانونی کارروائی کی جائے۔اور ایس سی ایس ٹی مقدمہ قائم کرنے کی کاروائی کی جائے۔
واضح ہو کہ گزشتہ دس اگست کو جن ستا ڈاٹ کام نے اس گھوٹالہ کے متعلق ایک خصوصی رپورٹ پیش کی تھی جس کے مطابق یو پی۔۔مہاراشٹر ۔ پنجاب۔ کرناٹک و تملناڈو میں کیگ کی آڈٹ رپورٹ کی بنیاد پر بڑے گھوٹالے کا خلاصہ ہوا۔رپورٹ کے مطابق ان صوبوں میں 18 ہزار کروڑ روپیہ سے زیادہ کی رقم بطور وظیفہ تقسیم کی گئی جس میں قانون کی خلاف ورزی ہوئی۔رپورٹ کے مطابق تمام قانون کو طاق پر رکھ دیا گیا۔بہت سارے معاملے ایسے ہیں جس میں طلباء کے کھاتے میں طے شدہ سے زیادہ رقم دی گئی۔ایک ہی رول نمبر پر کئی کئی بار رقم دی گئی۔ایڈوکیٹ شرما کے مطابق اگر صحیح طریقے سے جانچ ہو گئی تو یہ ملک کا سب سے بڑا گھوٹالہ ہو سکتا ہے۔