مہمانان رسول (طلباء) کو رسوائی سے بچائیں۔
. . . . . . . . . . . . . . . . . . . . . . . . .
نامہ نگار صدائے وقت۔
. . . . . . . . . . . . . . . . . . . . . . . . . .
کل ایک مدرسہ ....کے مدرس نے مجھے بتایا کہ ان کے مدرسہ میں قربانی کی کھالیں جمع کرنے کا کوئی اہتمام نہیں کیا جاتا ہے! میں نے حیران ہو کر وجہ دریافت کی؛ کہنے لگے ہمارے مہتمم صاحب فرماتے ہیں؛ اگر اخراجات پورے نہیں ہوں گے تو مدرسہ بند کر دیں گے لیکن عید کے دن کھال کے لیے مہمانان رسولﷺ (طلبہ ) کو کبھی ذلیل و خوار نہیں کریں گے؛ انہوں نے مزید بتایا کہ اگر کوئی شخص کھال دینے کے لیے فون پر رابطہ کرتا ہے تو جواب میں اسے کہاجاتا ہے :اپنی قربانی کی کھال خود بیچ کر رقم مدرسہ میں جمع کرادیں
کل سے میں اس مہتمم صاحب کے َمثالی کردار پر سوچ رہا تھا اوردل میں خیال آیا کہ اگر تمام مدارس والے یہی طرز عمل اپنالیں جو اس مدرسہ ...کے ذمہ دار نے اپنایا ہے توکتنابہترہوتا!
مزید برآں کوئی بھی طالب علم اس عمل کو بخوشی نہیں کرتا ہے ان پر جبر کیا جاتا ہے مدرسے سے نکالنے دھمکی بھی جاتی ہے جو یقیناً نامناسب عمل ہے
رہی بات اخراجات کی تو اتنا بوجھ اٹھاؤ جتنا اٹھا سکتے ہو اور مدارس چلانے میں ماضی کے علماء دیوبند کا طرز بھی یہی رہا ہے
۔۔۔۔۔۔۔۔۔۔۔ "صداۓوقت"
