جون پور اتر پردیش (نمائندہ صدائے وقت۔)
. . . . . . . . . . . . . . . . . . . . . . . . . . .
پرم ویر چکر شہید عبد الحمید کا 74 واں یوم پیدائش۔
پورا ملک ان کی شہادت کو سلام کرتا ہے۔
. . . . . . . . . . . . . . . . . . . . . . . . . . .
ضلع کے سراوں گاؤں میں واقع شہید لال بہادر گپتا یادگار مقام پر بدھ کے روز ہندوستان سوشلسٹ رپلکن آرمی و لکشمی بائی برگیڈ کے کارکنوں نے1965ہندوستان۔پاکستان جنگ کے ہیرو پرم ویر چکر فاتح شہید ویر عبدالحمید کا 74واں یوم پیدائش منایا گیا۔اس موقع پر کارکنوں نے شہید مقام پر موم بتی و اگر بتی جلا کر فوٹو پر گلہائے عقیدت پیش کیا۔
لکشمی بائی برگیڈ کی صدر منجیت کور نے کہا کہ شہید عبدالحمید کی ولادت اتر پردیش کے غازی پور ضلع کے دھاموپور گاؤں میں 12ستمبر 1944کو ہوئی تھی۔انھوں نے ملک کی فوج میں اپنی خدمت کو دیتے ہوئے 1965کی جنگ کے دوران پاکستان کے زریعے استعمال کئے گئے تین پیٹن ٹینکوں کو اڑ ادیا تھا۔فور گرینڈئر کی کمپنی کمانڈییڈ عبدالحمید چوتھے پیٹن ٹینک کو تباہ کرتے ہوئے 10ستمبر 1965کو ملک کے لئے عظیم شہادت دی تھی۔ان کی اس عظیم شہادت پر حکومت ہند نے انھیں پرم ویر چکر کے اعزاز سے نوازہ تھا۔پورا ملک ان کی شہادت کو سلام کرتا ہے۔اس موقع پر دھرم سنگھ،مینیجر پانڈے،انرودھ سنگھ،دشا سنگھ،منجیت کور سمیت دیگر لوگ موجود رہے۔
