"مدرسہ باب العلوم دہلی میں دیر رات طلبہ کو زندہ جلانے کی کوشش"
. . . . . . . . . . . . . . . . . . . . . . . . . .
جمعیت علماء ہند کے دفد نے سانحہ کے بعد مدرسہ پہنچ کر شدید مذمت کی۔
. . . . . . . . . . . . . . . . . . . . . . . . . . .
رپورٹ: خصوصی نماٸندہ/صداۓوقت/دہلی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہلی کے جعفراباد میں واقع مدرسہ باب العلوم میں گزشتہ رات تقریبا دوبجے شرپسندوں نے دائیں طرف کی تاریک گلی سے سویے ہویے مدرسہ کے بچوں پر حملہ کردیا. شرپسندوں نے کھلی ہوئی کھڑکی سے بچوں کی طرف مٹی تیل چھڑک کر آگ لگادی تاکہ وہ اس کی لپیٹ میں آکر جل جائیں. اس حادثے میں ایک طلبہ آگ کی زد میں آگیا تاہم زیادہ نقصان نہیں ہوا. اس درمیان سبھی طلبہ جگ گیے اور ہنگامہ کے دوران شر پسند بھا گنے میں کامیاب ہوگیے.
مدرسہ باب العلوم کے مہتمم مولانا داود امینی نے بتایا کہ ایف آئی آر درج ہوگئی ہے تاہم اب تک کسی کی شناخت یا گرفتاری عمل میں نہیں آیی ہے.انھوں نے بتایا کہ سی سی ٹی وی کیمرہ سے بچوں پر حملے کا عکس نظر آرہا ہے. انھوں نے بتایا کہ پہلی بار یہاں ایسا واقعہ رونما ہوا ہے.
حادثے کی خبر سنتے ہی آج مدرسہ باب العلوم کئی سیاسی و مذہبی رہ نما پہنچے اور واقعہ کی سخت مذمت کی. مقامی ایم ایل اے حاجی اشراق نے باب العلوم پہنچ کر پورے حالات کی جانکاری حاصل کی اور کارروائی کے لیے افسران سے رابطہ کیا.
جمعیت علماء ہند کی طرف مولانا ضیاء اللہ قاسمی جمعیت علماء ہند اور مولانا عظیم اللہ قاسمی بھی باب العلوم پہنچے جہاں پہلے سے مولانا جاوید صدیقی قاسمی سیلم پور، قاری احرار الحق جوہر قاسمی وغیرہ موجود تھے. جمعیت علماء ہند کے وفد نے حاجی اشراق ایم۔ایل۔اے۔کے ساتھ بیٹھک کی اور واقعہ پر گہری تشویش کا اظہار کیا اور پولس انتظامیہ سے مطالبہ کیا کہ خاطی افراد کو گرفتار کرکےکیفر کردار کو پہنچایا جایے. وفد نے مولانا داٶد قاسمی سے یک جہتی کا اظہار کیا اور کہا کہ پورے واقعہ سے جمعیت علماء ہند کی اعلیٰ قیادت کو مطلع کیا جایے گا.
ناپاک و منصوبہ بند سازش اور گھناؤنی حرکت کی قاری شاہد چوہان بانگر, قاری آزاد سندرنگری, مولانا قاری عارف قاسمی چئرمین آل انڈیا امام فاؤنڈیشن, عارف بھائی, حاجی ذاکر, مولانا حسین احمد قاسمی شاستری پارک, مولانا اسداللہ قاسمی نے شدید مذمت کی!
. . . . . . . . . . . . . . . . . . . . . . . . . . .
فوٹو۔۔مقامی ایم ایل اے ذمے داران سے بات کرتے ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
