فکر/مولانا سراج ہاشمی۔
. . . . . . . . . . . . . . . . . . . . . . . . . .
میں کسےسناؤں دکھڑےکہوں کس سےبیقراری۔
جہاں سب گرارہےہیں غم اشک باری باری۔
ہےعجیب کشمکش میں مرا عشق کیاکہوں میں۔
نہ بیاں کی تاب مجھ میں نہ مجال رازداری۔
میں اسیرحسن ٹھہرا مجھےچھیڑتی ہےدنیا۔
کوئی باخبرتوہوتایہ ہےکیسی پردہ داری۔
جسےدیکھومحوحیرت کسی سوچ میں ہےڈوبا۔
یہ طلسم کس نے چھیڑا یہاں کون ہےمداری۔
کوئی نظربدلگی ہےجوچمن ہے سوناسونا
نہ وہ بلبلوں کاسرہےنہ گلوں کی پاسداری۔
کہیں بےحسی سےاپنی یہ چمن نہ سوکھ جائے۔
اٹھواےوطن کےلوگوکرومل کےآبیاری۔
جوہواکےرخ پہ پیہم ہیں بدلتے آشیانہ۔
انھیں مت گلےلگاناوہ ہیں وقت کےپجاری۔
ہمیں گردش زمانہ یہ سبق سکھارہی ہے۔
ترےعزم میں ہےپنہاں تراشوق شہسواری۔
مری داستان حسرت میں سناؤں کیاکسی کو۔
کوئی کان تولگائےجوکروں میں آہ وزاری۔
مرامدعاہےمجھ کومرےگھرسے مت نکالو۔
مراحق ہےاس مکاں پرکوئی کیوں کہےبھکاری۔
ہیں زمین وآسماں تک مری حق رسی پہ شاہد۔
وہ فلک شگاف نعرےہیں فضامیں اب بھی جاری۔
ہمیں شمع انجمن تھے ہمیں سے تھاسوزمحفل۔
کہ ہمیں نےجگنؤوں کودیا ذوق جاں نثاری۔
کہاں زندگی کےبدلے،کوئی مرگ پرہےراضی۔
ہاں وطن کےواسطےتھےہمیں ایسےکاروباری۔
یہ پیام آگہی جوہےسراج ہاشمی کا۔
اسےخوب یاد رکھنا،ہےپیام یادگاری۔
۔۔۔۔۔۔۔۔۔۔ مولاناسراج ہاشمی۔۔۔۔۔۔۔۔
سلطان پور۔یو،پی
sirajhashmi128@gmail.com
