نئی دہلی۔۔مورخہ 06 دسمبر۔۔صدائے وقت۔
. . . . . . . . . . . . . . . . . . . . . . . . . . .
آج مورخہ 6 دسمبر کو اے ایم یو اقلیتی کردار سے متعلق مقدمہ کی سپریم کورٹ میں سنوائی ہونی تھی۔مقدمے کے سینیر ایڈوکیٹ سپریم کورٹ زیڈ کے فیضان کے مطابق سپریم کورٹ میں مقدمہ 108 نمبر پر درج فہرست تھا جو تین جج والی بینچ جس میں چیف جسٹس کے علاوہ جسٹس سنجے کشن کول و جسٹس کے ایم جوسیف کے سامنے سماعت ہونی تھی۔مگر آج کی سماعت صرف درج فہرست مقدمہ نمبر 104 تک ہی ہو سکی، معاملہ کو اگلے ہفتہ سنوائی تک ملتوی کر دیا گیا۔
ایڈوکیٹ زیڈ کے فیضان اور ایڈو کیٹ بہار یو برقی اے ایم یو اولڈ بوائز ایسو سی ایشن (پیرنٹ باڈی)۔کی جانب سے بحیثیت وکیل عدالت میں موجود رہے۔
واضح ہو کہ مسلم یونیورسٹی علیگڑھ کے اقلیتی کردار سے متعلق معاملہ عدالت عظمیٰ میں زیر سماعت ہے۔یہ سماعت الہ آباد ہائی کورٹ کے اس فیصلے کے خلاف ہے جس میں مسلم یونیورسٹی کو ایک اقلیتی تعلیمی ادارہ ماننے سے عدالت نے انکار کردیا تھا۔
