بجلی کی چوری کرنے والوں پر ویجیلنس کا چھاپہ۔۔5 لوگوں کے خلاف مقدمہ درج۔

جون پور۔۔اتر پردیش۔ (نماٸندہ)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مچھلی شہر کوتوالی حلقہ کے مختلف گاؤں میں چوری سے بجلی کا استعمال کرنے کی شکایت پر پہنچی ویجلنس کی ٹیم نے پانچ لوگوں کے خلاف بغیر کنکشن چوری سے بجلی کا استعمال کرنے کا مقدمہ درج کرایا۔علاقہ میں ویزلنس کی ٹیم کی چھاپہ ماری سے لوگوں میں افرا تفری کا ماحول رہا۔
اطلاع کے مطابق محکمہ توانائی کی ویجیلنس ٹیم کو کئی دنوں سے علاقہ میں چوری سے بجلی کے استعمال کئے جانے کی شکایت موصول ہو رہی تھی۔شکایت ملنے پر جمعہ کے روز ٹیم نے سرائے یوسف گاؤں میں چھاپہ ماری کر گاؤں کے پریم چندر ولد شوبھ ناتھ،نگواپار گاؤں کے سریندر پٹیل ولد لال بہادر،مہیندر پٹیل ولد چھوٹے لال،وجے ولد رام جی اور گھگھریا گاؤں کے رام سجیون ولد بنشی لال کوبغیر کنکشن بجلی کا استعمال کرتے ہوئے پانے پر کنکشن کاٹتے ہوئے مقامی کوتوالی میں ٹیم کے انسپکٹر بال میت سنگھ کی تحریر پر مقدمہ درج کرایا گیا۔