Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Wednesday, July 10, 2019

مشرقی یو پی میں مسلسل بارش سے باڑھ جیسے حالات۔۔جگہ جگہ پانی بھر گیا۔

صداٸے وقت / نماٸندہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشرقی یو پی میں ہو رہی تیز بارش سے باڑھ جیسے حالات پیدا ہو گٸے ہیں۔پہلی بارش سے جہاں کسانوں کو خوش ہونا چاہٸیے تھا وہیں پانی کی زیادتی سے خریف کی فصلوں کی بواٸی و دھان کی روپاٸی میں دیری ہو سکتی ہے۔جگہ جگہ سڑکوں، بازاروں میں پانی بھر جانے سے عوام کو دشواریوں کا سامنا کرنا پڑ رہا ہے۔بجلی سپلاٸی میں رکاوٹ سے اور بھی پریشانی بڑھ گٸی ہے۔جگہ جگہ درختوں کے گر جانے سے أمدورفت میں دشواری ہو رہی ہے۔
یش ہے مختلف مقامات کی رپورٹ۔۔
...................................................
آعظم گڑھ پھریہا سے معتصم باللہ کی رپورٹ۔
========================
صبح سے جاری موسلا دھار بارش کا پانی اب دکانوں اور مکانوں میں داخل ہو کر کاروباریوں اور مکینوں کے لئے پریشانی کا سبب بنتا جارہا ہے، واضح ہو کہ پھریہا بازار کی پہریہا - نظام آباد سڑک کی تعمیر نو تو ہوگئ لیکن برسات کے پانی نکاسی کا کوئ انتظام نہیں کیا گیا بلکہ سڑک کنارے فٹ پاتھ پر مٹی کنکر اور ناجائز قبضہ کی وجہ سے برسات کا پانی رک کر مکانوں اور دکانوں میں داخل ہو رہا ہے،

 اس تعلق سے متعلقہ گرام پردھان اور ایس ڈی ایم نظام آباد سے ان کے فون پر رابطہ کی کو شش کی گئ لیکن علاقائ ٹیلیفون ایکسینج کی خدمات ٹھپ ہونے کی وجہ سے رابطہ نہیں ہوسکا.
....................................................
آعظم گڑھ ۔۔لالگنج نماٸندہ کے مطابق دو روز سے ہورہی موسلا دھار بارش سے عام زندگی مفلوج ہوگٸی ہے۔لالگنج و دیو گاوں میں سڑکوں پر پانی بھر آیا ہے۔نشیبی علاقوں میں پانی گھروں تک پہنچ گیا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جونپور۔۔۔شاہگنج نماٸندہ۔۔۔
لگاتار بارش کیوجہ سے بازار میں پانی بھرا ہوا ہے۔گھاس منڈی۔چوڑی محلہ۔ریلوے اسٹیشن کے قریب کے نشیبی علاقوں میں پانی بھرا ہے۔محلہ نٸی آبادی میں کٸی گھروں میں پانی داخل ہوگیا ہے۔۔جونپور روڈ۔فیض آباد روڈ و اعظم گڑھ روڈ پر پیڑ گرنے کیوجہ سے ٹریفک جام لگ گیا مگر حکام کی مستعدی سے جلد ہی راستہ صاف کیا گیا۔۔بجلی سب اسٹیشن میں پانی کے داخل ہو جانے کیوجہ سے بجلی سپلاٸی متاثر ہوگٸی ہے اور صبح سے ہی بجلی غاٸب ہے۔بارش کیوجہ سے عام زندگی مفلوج ہو گٸی ہے۔
موسلا دھار بارش کا سلسلہ ابھی جاری ہے۔

Post Top Ad

Your Ad Spot