از*سرفراز بزمی* صداٸے وقت۔
==================-===========
غزل
کل تخت وتاج رکھتے تھے ہندوستان کے
"لالے پڑے ہیں آج یہاں اپنی جان کے "
سب بھر گۓ جو زخم تھے تیغ و سناں کے
اب بھی ہرے ہیں گھاؤ تمہاری زبان کے
تکبیر کیا ہے ؟ لذت تسخیر کائنات
الفاظ بولتے ہیں ہماری اذان کے
ٹوٹے ہوئے منار دمکتے ہوۓ کھنڈر
قصے سنارہے ہیں مری آن بان کے
سامان قتل , ابروۓ خم دار چشم ناز
دل ڈوبنے لگا ہے تمہیں جان جان کے
ہم سے ثبوت خاک وطن اور اب نہ مانگ
ہم رہنے والے ہیں اسی ہندوستان کے
شاید دل و جگر ہیں نشانے پہ آج پھر
انداز کہہ رہے ہیں نظر کی کمان کے
لے در پہ آگۓ تری پردہ دری کی خیر
دل میں چپھاۓ درد و الم دو جہان کے
بزمی کو امتحان کے قابل بنالیا
صدقے ترے کرم کے ترے امتحان کے
سرفراز بزمی
سوائ مادھوپور راجستھان
