پیار سے کہدے چپکے سے ماں ! میں غازی بن جاؤں نا۔
از/ سرفراز بزمی۔
____________________________________
ارض مقدس ارض مبارک ذلت خوردہ پیر تلے ،
میں دیکھوں آباد سڑک پر اوراق قرآن جلے،
کابل سے کشمیر تلک معصوموں پر بندوق چلے،
کیسے دیکھوں خون برستے کیسے دل بہلاؤں نا
پیار سے کہدے چپکے سے ماں میں غازی بن جاؤں نا
میں غازی بن جاؤں نا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارض حرم للکار رہی ہے ارض مقدس روتی ہے
خون کے آنسو غیرت مسلم بابری مسجد روتی ہے
حفظ حرم پر مرنے والی ملت بیضا سوتی ہے
اپنے گرم لہو سے ملت میں احساس جگاؤں نا
ارمانوں کی دنیا چھوڑوں سپنوں کو سمجھاؤں نا
پیار سے کہدے چپکے سے ماں میں غازی بن جاؤں نا،
وہ ننھے کشمیری بچے شعب ابی طالب کے اسیر
مجرم دنیا دیکھ رہی ہے بیت الابیض کی زنجیر
لگنے لگی ہے ساری دنیا پانچ خداؤں کی جاگیر
کیسے بھولوں کیسے کھیلوں کیسے میں سو جاؤں نا
توڑ کے اپنے سارے کھلونے ان کی مدد کو جاؤں نا
پیار سے کہدے چپکے سے ماں میں غازی بن جاؤں نا،
میں غازی بن جاٶں نا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیچن خوں سے سرخ جزیروں میں ویرانی چھاۓگی
کابل میں کڑکی بجلی بیت الابیض تک جاۓگی
شعب ابی طالب سے گزر کر فتح مکہ آۓگی
ان شاءاللہ آۓگی ماں ! ان شاءاللہ آۓگی
اپنوں رگوں کے پاک لہو سے جبر کی آگ بجھاؤں نا
پیار سے کہدے چپکے سے ماں میں غازی بن جاؤں نا۔
میں غازی بن جاٶں نا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بارودوں سے جلتے بدن کی جب میدان سے بو آۓ
مظلوموں کی آہوں سے جب عرش الٰہی ہل جاۓ
معصوموں کی جلتی لاشیں دیکھ کے دھرتی تھراۓ
"خذهم اخذ عزيز" کہہ کر تو سجدے میں گرجاۓ
سبز پرندہ بن جاؤں میں جنت کو اڑ جاؤں نا
پیار سے کہدے چپکے سے ماں میں غازی بن جاؤں نا۔
میں غازی بن جاٶں نا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آنکھ نہ اپنی بھرنے دینا لاش مری جب گھر آۓ
ٹکڑے ٹکڑے دیکھ کے مجھ کو جب تیرا دل بھر آۓ
میرے لہو کا قطرہ قطرہ حفظ حرم کے کام آۓ
اس سے بڑھ کر اس دنیا میں اور سعادت بھی کیا ہے
خلد بریں سے پست زمیں کو دیکھوں نا اتراؤں نا
پیار سے کہدے چپکے سے ماں میں غازی بن جاؤں نا
سرفراز بزمی
سوائ مادھوپور
راجستھان
بھارت
