Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Sunday, October 25, 2020

موہن بھاگوت کے سی اے اے سے متعلق بیان پر اویسی کا جوابی حملہ ، کہا : ہم بچے نہیں ، جنہیں گمراہ کیا جائے.

موہن بھاگوت نے ہر سال ہونے والی سنگھ کی سالانہ ریلی میں سی اے اے ، کورونا وائرس ، ہند ۔ چین سرحدی تنازع جیسے کئی امور پر بات کی تھی ۔ ان کے سی اے اے والے بیان پر اے آئی ایم آئی ایم چیف اسد الدین اویسی نے جوابی حملہ کیا ہے ۔
نٸی دہلی /صداٸے وقت /ذراٸع /٢٥ اکتوبر ٢٠٢٠۔
==============================
راشٹریہ سویم سیوک سنگھ کے سربراہ موہن بھاگوت کے سی اے اے والے بیان سے آل انڈیا مجلس اتحاد المسلمین کے صدر اسد الدین اویسی ناخوش نظر آرہے ہیں ۔ اویسی نے کہا کہ ہم بچے نہیں ہیں ، جنہیں شہریت ترمیمی قانون کو لے کر گمراہ کیا جائے ۔ اپنے ٹویٹ میں اویسی نے آندولن کے دوران کانگریس اور آر جے ڈی کی خاموشی پر بھی سوالات اٹھائے ۔
سنگھ کی سالانہ دشہرہ ریلی میں موہن بھاگوت نے کہا تھا کہ سی اے اے کا مطلب کسی کمیونٹی کی مخالفت کرنی نہیں ہے ، اس نئے قانون کی مخالفت کرنے والے لوگ مسلم بھائیوں کو گمراہ کرنا چاہتے ہیں ۔ وہ مسلم بھائیوں کو بتانا چاہتے ہیں کہ اس قانون کا مقصد مسلم آؓبادی کو قابو کرنا ہے ۔ انہوں نے کہا کہ سی اے اے کا استعمال کرکے موقع پرست لوگ مخالفت کے ذریعہ منظم تشدد پھیلا رہے ہیں ۔
اپنے ٹویٹ میں اسد الدین اویسی نے لکھا : ہم بچے نہیں ہیں ، جنہیں گمراہ کیا جائے ۔ بی جے پی نے اس بارے میں کچھ نہیں کہا کہ سی اے اے پلس این آر سی کا کرنا کیا تھا ۔ اگر یہ مسلمانوں کے بارے میں نہیں ہے تو اس میں مذہب سے متعلق ہر چیز کو ہٹادیں ۔ انہوں نے لکھا : یہ یاد رکھیں کہ ہم اس وقت تک مخالفت کرتے رہیں گے جب تک ایسا ایک بھی قانون رہے گا ، جو ہمیں ہماری شہریت کو ثابت کرنے کیلئے کہے گا ۔
انہوں نے کہا : ہم ہر اس قانون کی مخالفت کریں گے جو شہریت کی بنیاد مذہب کو بتائے گا ۔ انہوں نے لکھا : میں کانگریس ، آر جے ڈی اور ان کے ہم شکلوں سے بھی یہ کہنا چاہتا ہوں کہ آندولن کے دوران آپ کی خاموشی بھولے نہیں ہیں ۔ جب بی جے پی لیڈر لوگوں کو سیمانچل دراندار کہہ رہے تھے تو آر جے ڈی اور کانگریس نے ایک مرتبہ بھی اپنا منہ نہیں کھولا ۔

Post Top Ad

Your Ad Spot