پریشان حال انسانوں کی مددکرنا امارت شرعیہ کی پہلی ترجیح:
احمد حسین قاسمی
________________________________
امارت شرعیہ پھلواری شریف پٹنہ کی جانب سےچمپانگربھاگلپورمیں دوسوکےقریب سیلاب متاثرہ خاندانوں کےدرمیان ریلیف کی تقسیم
....................................................
صدائے وقت /(پریس ریلیز6/ستمبر:بھاگلپور).
============================
امسال مختلف اضلاع میں انسانی آبادی کی ایک بڑی تعداد سیلاب سے متاثرہوئی ہےجس کےنتیجےمیں انسانی جانوں کےساتھ بڑےپیمانےپرکھیتی واملاک کوبھی کافی نقصان پہنچا ہے۔
جہاں سرکاری وغیرسرکاری دیگرتنطیموں نےانسانوں کی راحت رسانی کاکام انجام دیاوہیں ملک کی مشہور دینی وملی تنظیم امارت شرعیہ بہاراڈیشہ وجھارکھنڈ پھلواری شریف پٹنہ نےنمایاں طورپرپچھلےکئی مہینوں سےمسلسل سیلاب سےمتاثرمختلف اضلاع میں لوگوں کوعبوری راحت پہنچانےاورحتی الوسع ان کی باز آبادکاری میں مصروف ہے اس حوالہ سے پورنیہ کھگڑیا اوربھاگلپورکے مختلف بلاک ومواضعات میں بالترتریب امارت شرعیہ کی ریلیف ٹیموں نے نقدرقومات اشیاء خوردنی اور کپڑوں کی تقسیم کی ہے
اس تعلق سـے امارت شرعیہ کے موجودہ نائب امیرشریعت حضرت مولانا محمد شمشاد رحمانی صاحب قاسمی زیدمجدہ اور قائم مقام ناظم امارت شرعیہ مولانا محمد شبلی القاسمي صاحب نےبڑی فکرمندی کامظاہرہ فرمایااورپےدرپےحسب ضرورت امارت شرعیہ کے ذمہ داران کی قیادت میں ریلیف ٹیموں کوبیت المال امارت شرعیہ سے راحتی سامان دےکرمتاثرہ علاقوں میں بروقت بھیجنے کافیصلہ کیاجس کا سلسلہ ہنوزجاری ہے.
اسی کی ایک کڑی وفد بھاگلپور ہے چنانچہ آج امارت شرعیہ کے معاون ناظم مولانا احمد حسین قاسمی صاحب کی قیادت میں بھاگلپورکے چمپانگرعلاقہ:احمدنگر ناتھ نگراور مدنی نگر میں سیلاب متاثرہ ایک سو اسی سےزائد خاندانوں کےدرمیان ریلیف کی تقسیم عمل میں آئی روزمرہ استعمال ہونےوالے کھانےکےضروری سامان اورضرورت کےکپڑےوغیرہ ان متاثرین کو علماءکےہاتھوں دئےگئےآج علی الصباح سب سے پہلے یہ راحتی ٹیم ان متاثرہ علاقوں میں جاکرکئی محلوں کا جائزہ لیا سیلاب کاپانی چمپانگر کے احمد نگراور دوسرے نشیبی محلوں میں اب تک موجود ہے لوگ اب بھی باندھ اور اونچی جگہوں پر پناہ لئے ہوئے ہیں مولانا شمیم قاسمی صاحب کے مدرسہ کاشف العلوم میں کئی خاندان پناہ گزیں ہیں جس کامعائنہ کرکے امارت شرعیہ کی ٹیم نے ان کی پریشانیوں کودل سے محسوس کیا مذکورہ محلہ کی نئی سمینٹڈ سڑک جو حال ہی میں بنی تھی بری طرح ٹوٹ گئی ہےجس سے راہگیروں کو کافی دقتوں کا سامنا رہتاہے حکومت بہار سے گزارش ہے کہ جس طرﺡ دوسرے اضلاع کے سیلاب متاثرین کی سرکاری سطح سے روپئے کےذریعہ امداد کی گئی ہے بھاگلپور کے ان سیلاب متاثرین کی بھی سروے کراکر امداد کی جائے اور ٹوٹی ہوئی سڑکوں کی تعمیر کرائی جائے یہ ریشمی شہر بہار کے معروف صنعتی شہروں میں شمار ہوتا ہے ان کا خیال ترجیحی بنیادپر رکھنا چاہیے
امارت شرعیہ پھلواری شریف پٹنہ نےاپنےقیام کے شروع دن سےہی ملک میں خدمت خلق کواپنا نصب العین بناکرکام کیا ہے یہی وجہ ہے کہ صرف اس نے اپنےدائرہ کار چارصوبوں بہاراڈیشہ جھارکھنڈومغربی بنگال میں ہی انسانی وسماجی خدمات انجام نہیں دیں بلکہ اپنے محدود وسائل کو بروئے کار لاکر پورے ملک میں جہاں بھی کوئی اسمانی یا زمینی حادثات وآفات رونماہوئے ہیں امارت شرعیہ اپنی ٹیم کے ساتھ وہاں حاضر رہی ہے
امارت شرعیہ پھلواری شریف پٹنہ کی اس راحت رسانی پر مقامی علماء وسماجی ذمہ داران اپنےدل کی گہرائیوں سے اس سوسالہ قدیم تنظیم کا شکریہ اداکیا
پٹنہ کےوفد میں شریک علماءکرام میں مفتی مجیب الرحمن قاسمی معاون قاضی شریعت مفتی مولاناخورشید انور قاسمی قاضئ شریعت بھاگلپور وبانکا
اور مولانا منعام الدین قاسمی مبلغ امارت شرعیہ تھے اور مقامی علماء کرام میں مدرسہ اصلاح المسلمین چمپانگربھاگلپورکے مہتمم مولانا قاری اسعد قاسمی صاحب شیخ الحدیث مولاناغلام رسول صاحب مفتی یونس قاسمی مولانا اشتیاق قاسمی مفتی ریحان مولانا عطاءاللہ مظاہری صاحب مفتی عبیدالرحمن قاسمی ودیگر اعیان شہر وصحافی حضرات موجود تھے
