ٹیسٹ میچ ۔۔انڈیا جیت کے قریب۔

ٹرنٹ برج ٹسٹ ٹیم انڈیا کی جیت یقینی
. . . . . . . . . . . . . . . . . . . . . . . . . . . 
تحریر/ ابونافع اعظمی
. . . . . . . . . . . . . . . . . . . . . . . . . .  
جیسا کہ ایک روز پہلے یہ پیشین گوئی کی گئی تھی کہ ہندوستان پانچسو کے قریب ٹارگٹ دیکر انگلینڈ کو چوتھے روز دوسری اننگ میں آل آؤٹ کرکے سیریز میں واپسی کر لے گا لیکن کیچز چھوڑنے کی وجہ سے آج انڈیا کی جیت کی راہ میں آخری وکٹ آڑے آگئی جو امید ہے کل صبح میچ شروع ہوتے ہی اڑجائے گی یوں ہند کی غیر ملکی سر زمین پر ایک شاندار جیت درج ہوجائے گی
کل کے ناٹ آؤٹ انگلینڈ کے اوپنرز اور ون ڈاؤن روٹ اور ٹو ڈاؤن پوپ جب لنچ تک62  رنز پر ڈھیر ہوگئےتب لگا کہ انگلینڈ شاید پہلی اننگ کے بقدر بھی رنز نہ بنا پائے ہندوستانی پیس بالروں کا خاص رنگ جما ہوا تھااور کوہلی کی جوشیلی ٹیم کی سلپ کیچنگز صبح کے دو گھنٹوں میں لا جواب تھی لیکن اس کے بعد آل راؤنڈر اسٹوکس اور وکٹ کیپر بلے باز بٹلر جم گئے اور اسکور 231تک پہونچا دیا نئی گیند لیتے ہی بو مرا نے دھمال مچا دیا پہلے بٹلر جنھوں نے اپنی شاندار پہلی ٹسٹ سنچری بنائی کو ایل بی ڈبلیو آؤٹ کیا اور 241کے اسکور پر بیرسٹو اور ووکس کو بھی چلتا کیا ۔رہی سہی امید اسٹوکس کو 63پر پانڈیا نے سلپ میں کیچ آؤٹ کرادیا یوں 231 پر کہاں چار وکٹ گرے تھے اور دس رنز کے اندر مزید چار وکٹ گرگئے اس کے بعد براڈ اور عادل رشید نے پچاس رنز کی پارٹنر شپ کر ڈالی اس بیچ کپتان کوہلی سے شمی کی بال پر سلپ میں عادل کا آسان کیچ چھوٹا چوتھے روز کھیل کے اختتام پر انگلینڈ نو وکٹ پر 311 رنز بنا چکا ہے اور پانچویں دن جیت کے لئے 208رنز کی ضرورت ہے جو ظاھر ہے عادل اور اینڈرسن کے بس کی بات نہیں ہندوستان کی جیت میں ایک خانہ پری باقی ہے سارے کرکٹ فینز کو یہ جیت پیشگی مبارک