اسکاوٹ ٹریننگ کیمپ کا اختتام۔

اسکاوٹ ٹریننگ کیمپ کا اختتام۔۔۔
طلباء نے کی شجر کاری۔
عوام کو بھی تقسیم کئے گئے پودھے۔
. . . . . . . . . . . . . . . . . . . . . . 
جونپور اتر پردیش۔۔۔ نامہ نگار صدائے وقت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر سید احمد انٹر کالج تعلیم آباد صبرحد شاہگنج ضلع جونپور میں گزشتہ جمعہ سے چل رہے اسکاوٹ ٹریننگ کیمپ بروز دوشنبہ اختتام پزیر ہوا۔اس موقع پر ایک اختتامی تقریب کا انعقاد کیاگیا جسکی صدارت محمد راشد نے کی۔اس موقع پر سابق پرنسپل عرفان احمد خان نے مہمان خصوصی وابو سلمان اور ڈاکٹر عمران نے مہمانان اعزازی کی حیثیت سے شرکت کی۔
بھارت اسکاوٹ و گائڈ کے اس چار روزہ پروگرام کی اختتامی تقریب سے خطاب کرتے ہوئے مہمان خصوصی نے  طلباء کو خطاب کرتے ہوئے کہا کہ اسکاوٹ کی ٹریننگ سے طلباء کو کم عمری سے ہی اخلاقی۔تعلیمی۔ذہنی ۔روحانی و جسمانی ترقی کے اصول و تربیت کے بیج ذہن میں ڈال دیئے جاتے ہیں جو وقت اور زمانے کے ساتھ بڑھکر ایک تناور درخت کی شکل اختیار کر لیتا ہے اور ایک عظیم ملک کی بنیاد بنانے میں مددگار ثابت ہوتا ہے۔ایسے ہی طلباء مستقبل میں سچے محب وطن بنتے ہیں اور ملک کی خدمت کرتے ہیں۔
ٹریننگ میں حصہ لے رہے طلباء نے ماحولیات کے لئیے بیداری پیدا کرنے کے لئے طلباء اپنے ساتھ پودھے بھی لائے تھے اور تقریباً 100 پودھے کالج کیمپس میں لگائے اور 100 پودھے عوام میں تقسیم کرتے ہوئے اپیل کئیے کہ ان پودھوں کو ضرور لے جا کر لگائیں اور ماحولیات کو بچائیں۔آخر میں کالج کے پرنسپل محمد شاہد نعیم نے تمام لوگوں کا شکریہ ادا کیا اس موقع پر استاد پھول کار پرجا پتی۔۔۔ڈی سی او راکیش مشر۔ششی کمار یادو۔ محمد یاسر۔ قمر حسن۔اجے پانڈے و محمد ثاقب بطور خاص موجود رہے۔