میرے ذوق کے مطابق عہد جدید پر نقد حقیقی کی سب سے روشن عکاس شاعری کا شاہکار نمونہ اسد جعفری کی غزل پیش خدمت ہے ۔
صدائے وقت بشکریہ ابو نافع اعظمی۔
. . . . . . . . . . . . . . . . . . . . . . . . . . .
شاعر/اسد جعفری۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ششدر و حیران ہے جو بھی خریداروں میں ہے
اک سکوت بے کراں ہر سمت بازاروں میں ہے
نوبت قحط مسیحائی یہاں تک آ گئی
کچھ دنوں سے آرزوئے مرگ بیماروں میں ہے
وہ بھی کیا دن تھے کہ جب ہر وصف اک اعزاز تھا
آج تو عظمت قباؤں اور دستاروں میں ہے
اڑ رہے ہیں رنگ پھولوں کے فقط اس بات پر
التفات فصل گل کا ذکر کیوں خاروں میں ہے
اے مرے ناقد مرے اشعار کم پایہ سہی
کم سے کم ابلاغ تو میرے سخن پاروں میں ہے
بجھ نہیں سکتی کسی صورت ہوس کی تشنگی
بحر بے پایاں بھی بارش کے طلب گاروں میں ہے
خوبصورت شکل میں ہم سب درندے ہیں اسدؔ
آدمی کہتے ہیں جس کو وہ ابھی غاروں میں ہے
متفرق
Saturday, September 29, 2018
Tags
فن و ادب#
Share This
About Sadaewaqt
فن و ادب
Labels:
فن و ادب
Author Details
www.sadaewaqt.com