فریدالحق میموریل ڈگری کالج کے طلباء نے کیرالا سیلاب زدگان کی امداد کی۔
. . . . . . . . . . . . . . . . . . . . . . . . . . .
موخہ 20 ستمبر 2018۔
جونپور اتر پردیش۔۔نامہ نگار۔صدائے وقت۔
. . . . . . . . . . . . . . . . . . . . . . . . . . .
شاہگنج حلقہ کے تحت واقع فرید الحق میموریل ڈگری کالج تعلیم آباد صبرحد کے پرنسپل ڈاکٹر تبریز عالم نے ویر بہادر سنگھ پوروانچل یونیورسٹی جونپور کے وائس چانسلر پروفیسر راجا رام کو ان کے آفس میں ملاقات کرکے دس ہزار روپیہ کا بینک ڈرافٹ پیش کیا جسکو کہ کالج کے ہی این ایس ایس کے طلباء و طالبات نے ریاست کیرالا کے سیلاب زدگان کی امداد کے لئیے اکٹھا کئیے تھے۔اس موقع پر بطور خاص وائس چانسلر کے خصوصی سکریٹری سجیت کمار جیسوال،افسر برائے مالیات وپروگرام کو آرڈینیٹر راکیش یادو موجود رہے۔
فرید الحق میموریل ڈگری کالج کے اس اقدام کی علاقے میں ستائش ہو رہی ہے۔عوام کا کہنا ہے کہ کالج کے پرنسپل ڈاکٹر تبریز عالم ، اساتذہ و این ایس ایس کے طلباء کا یہ کام قابل تعریف ہے۔
