صدائے وقت بشکریہ پرویز خان۔
. . . . . . . . . . . . . . . . . . . . . . . . . . .
وحدت اسلامی ہند کی دس روزہ کل ہند ملت بیداری مہم "ایمان، استقامت اور اتحاد" آخری مرحلہ میں۔۔۔۔۔
. . . . . . . . . . . . . . . . . . . . . . . . . . .
بھارت میں مسلمانوں کی زبوں حالی اور سیاسی زوال، ملک میں بڑھتی ہوئی دہشت گردی ،فرقہ پرستی اور نفرت کی زہریلی سیاست اور موجودہ بین الاقوامی اور ملکی حالات کے پس منظر میں ایک مثبت لائحہ عمل اختیار کرنے، نفرتیں مٹانے نیز ایمان، استقامت اور اتحاد کے مرکزی خیال کے تحت حکمت عملی اور طریق کار کے تعین کے لیے وحدت اسلامی ہند نے دس رورہ ‘کل ہند ملت بیداری مہم’ کا انعقاد کیا ہے۔ یکم ستمبر سے دس ستمبر کے دوران، اس ملک گیر مہم کے تحت میں ایمان، استقامت و اتحاد ان مرکزی موضوعات پر عوام کی توجہ دلانے کے لئے وحدت اسلامی ہند کے افراد ملک کے مختلف شہروں، اور گاوں گاوں پہنچ کر انفرادی و اجتماعی ملاقاتیں ،ٹی پارٹیاں، کارنر میٹ، اسکولوں و کالجوں میں لیکچر، خطباتِ جمعہ، علماء و ائمہ معززین ، عمائدین اور ڈاکٹرز، انجینئرز و وکلاء کی نشستیں ، اخبارات میں مضامین، سوشل میڈیا میں پیغامات بک لیٹس، فولڈرس و اسٹیکرس کی تقسیم کے ذریعے سے عوام میں بیداری کے لیے جد و جہد کر رہے ہیں۔
ان پروگراموں میں مقررین نے تمام مسلمانوں کو ملّت سے جڑے رہنے، آپس میں محبت عزت و احترام کا رویہ اختیار کرنے، تقویٰ و پرہیز گاری، عاجزی و انکساری کے ساتھ پروقار طریقے سے اسلامی تہذیب و تمدن بھری زندگی گزارنے کی تلقین ودعا کی۔
واضح ہو کہ وحدت اسلامی تنظیم کا مقصد ہے کہ مسلمان قرآن و سنت کی حدود میں رہ کر جو جس جماعت۔مسلک ،مکتب فکر سے وابستہ ہے وہ وہیں پر اپنی خدمات انجام دیں۔بس امت کو امت وحیدہ کی شکل دینے میں تعاون کریں۔تمام مسلمانوں کو یہ پیغام دیا جائے کہ اگر باطل کی نظر میں ہم ایک (صرف مسلمان) ہیں تو پھر آپس میں ہم ایک کیوں نہیں۔
. . . . . . . . . . . . . . . . . . . . . . . . . . .
(ملک کے مختلف علاقوں میں ملّت بیداری مہم کی چند تصاویر)
