از اختر سلطان اصلاحی۔(صدائے وقت)۔
. . . . . . . . . . . . . . . . . . . . . . . . .
جہاں جہاں بھی اجالوں کی حکمرانی ہے
حضور آپ کا احساں ہے مہربانی ہے
حیات آپ کی قرآن کا نمونہ تھی
حدیث آپ کی قرآں کی ترجمانی ہے
کوئی بھی اس کو جہاں سے مٹا نہیں سکتا
پیام آپ جو لاے وہ جاودانی ہے
خوشی سے کیجیے ہر دم عمل شریعت پہ
حیات فانی جو جنت نشاں بنانی ہے
نظام کیجیے قائم یہاں محمد کا
جہاں میں عزت و تکریم گر بنانی ہے
چلا ہے سوے مدینہ جو ان کا دیوانہ
قدم زمیں پہ کہاں ہیں عجب روانی ہے
سکون و کیف جو ملتا ہے نعت گوئی سے
اسی سے زیست میں اختر کی شادمانی ہے
بشکریہ۔
اختر سلطان اصلاحی
