یونانی و آیوروید میں داخلہ کے خواہشمند طلباء کوملی نیٹ سےچھوٹ۔

ریاستی حکومت اپنے ضابطہ کے مطابق داخلہ دے۔
. . . . . . . . . . . . . . . . . . . . . . . . . . . 
ہائی کورٹ۔لکھنئو بینچ۔(صدائے وقت)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لکھنئو۔اتر پردیش۔۔نمائندہ صدائے وقت۔
الہ آباد ہائی کورٹ کی لکھنئو بینچ نے ایک تاریخی فیصلہ دیتے ہوئے بی یو ایم ایس یونانی۔اور بی اے ایم ایس آیوروید کو نیٹ ٹیسٹ سے مثتشنیٰ قرار دیا۔اب ان دونوں پیتھیز میں داخلہ کے لئیے نیٹ ضروری نہیں ہے۔عدالت کے اس حکم سے ہزاروں طلباء کو راحت مل گئی جو ان کورسز میں داخلہ کے خواہش مند تھے۔ساتھ ہی طبیہ و آیوروید کالجوں کے لئیے بھی یہ فیصلہ آب حیات ثابت ہوگا۔
یونانی و آیوروید میں داخلہ کے خواہشمند طلباء کی طرف سے دائر اپیل پر جسٹس وویک چودھری نے یہ فیصلہ دیا۔ساتھ ہی ریاستی حکومت کو حکم دیا کہ حکومت اپنے ضابطے کے مطابق خواہشمند طلباء کو داخلہ دے۔ساتھ ہی فاضل عدالت نے یہ بھی ہدایت دی کہ اگر کچھ سیٹیں خالی رہ جاتی ہیں تو پرائیویٹ کالجز اپنی سطح سے امیدواروں کو داخلہ دینے کے مجاز ہوں گے۔
ہائی کورٹ کا یہ فیصلہ انڈین سسٹم آف میڈیسن کی ترقی میں بھی مفید ثابت ہوگا۔اس کے علاوہ کالج انتظامیہ کو بھی اختیارات دے دئیے گئے ہیں۔