اعظم گڑھ ۔۔پوکھرا و کھیل کے میدان سے ایس ڈی ایم نے ناجائز قبضہ ہٹایا۔

سرکاری زمین پر ناجائز قبضہ کرنے اور سرکاری کام میں خلل ڈالنے کے الزام میں مقدمہ قائم۔
. . . . . . . . . . . . . . . . . . . . . . . . . . . 
اعظم گڑھ۔۔اتر پردیش۔۔۔(صدائے وقت)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل پھولپور کے تحت موضع صدر پور برولی میں شہ زوروں کے ذریعہ کھیل کے میدان و پوکھرے پر کئیے گئے ناجائز قبضے کو ایس ڈی ایم پھولپور للت کمار اور تحصیلدار پون کمار سنگھ کی موجودگی میں ریوینیو ڈپارٹمنٹ کے اہل کاروں نے ہٹا دیا۔اس واقعہ سے گاوں میں افرا تفری کا ماحول رہا۔
شہ زور زمین مافیاوں پر سرکاری املاک پر ناجائز قبضہ اور سرکاری کام میں خلل ڈالنے کے الزام میں پھولپور کوتوالی میں مقدمہ بھی درج کرایا گیا ۔
اس موقع پر بڑی تعداد میں پولیس فورس ، تحصیل کے دیگر اہلکار بھی موجود رہے۔