پرانی پنشن بحالی کو لیکر ملازمین کا مظاہرہ۔

جون پور۔۔۔ اتر پردیش )
نمائندہ۔صدائے وقت۔
. . . . . . . . . . . . . . . . . . . . . . . . . . 
ملازمین،اساتذہ افسران پرانی پنشن بحالی فورم اتر پردیش کی جانب سے پرانی پنشن بحالی کی مانگ کو لیکر ضلع کے ملازمین کے کثیر تعداد میں ہڑتال میں شریک ہو کر کلکٹریٹ میں مظاہرہ کیا۔اس دوران ملازمین نے حکومت کو پرانی پنشن بحالی کیلئے انتباہ دیتے ہوئے کہا کہ ملازمین کے حق کیلئے حکومت جلد کوئی فیصلہ نہیں لیتی تو ہڑتال کو تحریر میں بدل دیا جائے گا اور اس کے انجام حکومت کو آئندہ انتخاب میں دیکھنے کو مل جائے گا۔
بدھ کے روز ہڑتال کی حمایت میں خزانہ، آمدنی مجموعہ، لیکھ پال یونین، سیلس ٹیکس، ٹرانسپورٹ، فوڈ، سپلائی، الیکشن، وکاس بھون، صحت، زراعت، صنعت، چک بندی، ڈپلوما انجینئر، ڈرائیور،نگر پالیکا، پرائمری استاذ، سیکٹر تعلیم افسر سمیت درجنوں تنظیموں کے ملازم تحریک میں شامل ہوکر مہا ہڑتال میں پرانی پنشن بحالی کا مطالبہ حکومت سے کیا۔ ہڑتال کے عوامی بیداری کے لئے قائم ٹیم نے ہڑتال کو کامیاب بنانے کی حکمت عملی طے کیا۔ دھرنہ سے خطاب کرتے ہوئے فورم کے کنوینر راکیش کمار شریواستو نے حکومت کو آگاہ کرتے ہوئے فوری طور پر مانگ کو پورا کر پرانی پنشن بحال کرنے کا حکم نامہ جاری کرنے کو کہا، دوسری صورت اس کا انجام بھگتنے کو حکومت تیار رہے۔ دھرنہ کو پرائمری اساتذہ یونین کے ضلع سیکریٹری روی چندر یادو اور ریاست ملازم متحدہ کونسل کے ضلع سیکریٹری چندر شیکھر سنگھ، سرپرست سی بی سنگھ، رام پوجن یادو، سرد پٹیل، اوم پرکاش سنگھ، جے ڈی سنگھ، دیارام گپتا، دارا سنگھ وغیرہ نے بھی خطاب کیا۔دھرنہ کی صدارت کرتے ہوئے اروند شکلا نے خزانے، ٹرانسپورٹ، سیلس ٹیکس وغیرہ محکموں میں بند سے لاکھوں کی ریونیو کے نقصان کے لئے حکومت کو ذمہ دار ٹھہرایا، ساتھ ہی تدریش متاثر ہونے کے ساتھ ہڑتال کی وجہ سے عوام کو ہونے والی مشکلات کے لئے حکومت کی غلط پالیسی کی مذمت کرتے ہوئے جمعرات کو بڑی تعداد میں ملازم استاذ کو بلاک ہیڈکوارٹر دفاتر پر وقت سے پہنچنے کی اپیل کی۔پروگرام کی نظامت ڈاکٹر رمیش یادو نے کیا۔