بزم تنویر ادب کی 89 ویں ماہانہ طرحی نشست منعقد۔

شاہ گنج،جون پور (صدائے وقت)۔
. . . . . . . . . . . . . . . . . . . . . . . . . . . 
بزم تنویر ادب کی 89ویں ماہانہ طرحی نشست رزینہ رزیڈنسی نذیرآبادمیں ڈاکٹر فیاض احمدعلیگ کے زیر صدارت منعقد ہوئی۔سرور عالم ایڈووکیٹ اور ڈاکٹر آفتاب مجاہدنے بحیثیت مہمانان خصوصی شرکت کی۔نظامت اخلاقؔ بندوی نے کی۔انھوں نے اپنے خطاب میں مرحوم شاعر جمیل بھادوی کو یاد کرتے ہوئے ان کی شاعری اور ادبی سرگرمیوں پر تفصیل سے روشنی ڈالی۔ نشست کا آغازفہیم جون پوری کے نعتیہ کلام سے ہوا۔شعراء کے منتخب اشعار قارئین کی نذرہیں

۔
جسم پر خراشیں ہیں دست و پا میں چھالے ہیں
تب مری رکابی میں آج دو نوالے ہیں                                            اخلاق بندوی
کیا مثال دیں کیسے وہ جمال والے ہیں
ہیچ ان کے آگے سب حسن کے حوالے ہیں                                        ڈاکٹر خالد اعظمی
داستان صحرا کی پھر بدلنے والی ہے
میرے پاؤں کے چھالے مسکرانے والے ہیں                                    فہیم جون پوری
آؤ  اپنا دل یارو! ان کو وقف کر دیں ہم
پھر حرم کا کیا کرنا کس لیے شوالے ہیں                                              اسلم ہاشمی
ہم بھی خوب واقف ہیں یار ڈسنے والے ہیں
پھر بھی آستیوں میں ہم نے سانپ پالے ہیں                                       ڈاکٹر فیاض احمد علیگ
دل تو آج کہتا ہے ہونٹ سے لگا لوں میں
مدھ بھری تری آنکھیں مدھ بھرے پیالے ہیں                                       ضمیر احمد ضمیر
اب تباہ ہونے سے ہم کو کون روکے گا
راستے تباہی کے ہم نے خود نکالے ہیں                                             شمس جون پوری
مذکورہ شعرا کے علاوہ عادل غالب پوری،مظہر اعظمی،امین مبارکپوری،ڈاکٹر آفتاب مجاہد،شاد اب عظمی، سراج معصوم اعظمی، غفران صبرحدی اور خالد صبرحدی نے بھی اپنا کلام پیش کیا۔