پارٹی اقتدار میں آئی تو مسلمانوں کی داڑھی منڈوا دی جائے گی۔۔۔۔۔۔۔۔بی جے پی نیتا رنجیت بہادر شریواستو کا شر انگیز بیان۔

بارہ بنکی۔ اتر پردیش /صدائے وقت۔
. . . . . . . . . . .  . .  . . . . . . . . . . . . 
20اپریل: بی جے پی کے ایک رہنما نے کہا کہ اگر مودی حکومت اقتدار میں آتی ہے تو تمام مسلمانوں کی داڑھی منڈوا کر سب کو یکساں کر دیا جائے گا۔ بارہ بنکی میں بی جے پی امیدوار کے پرچہ نامزدگی داخل کرنے کے موقع پر رنجیت شریواستو نے کہا کہ اگر مودی حکومت اقتدار میں آتی ہے تو تمام مسلمانوں کی داڑھی منڈوا کر سب کو یکساں کر دیا جائےگا۔ پرچہ داخل کرنے سے قبل ایک میٹنگ کے دوران رنجیت شریواستو نے خطاب کرتے ہوئے کہا کہ پاکستان بننے کے باوجود مسلمان ہندستان میں رک گئے اور اپنی آبادی میں اضافہ بھی کرلیا اور اس کے بعد وہ حق رائے دہی کا استعمال کرتے ہوئے پارلیمانی نظام میں ہمارا 

اقتدار چھیننا چاہتے ہیں۔ انہوں نے کہا کہ بی جے پی کے دور اقتدار میں انھیں ٹھیک کرنے کا کام کیا گیا ہے اور اگر بی جے پی دوبارہ اقتدارمیں آتی ہے تو مسلمانوں کی داڑھی منڈوا کر سب کو یکساں کر دیا جائے گا۔ قابل ذکر ہے کہ رنجیت بہادر شریواستو نگر پالکا کے موجودہ چیئرمین ششی شریواستو کے شوہر ہیں اور وہ مسلسل متنازع بیان دیتے رہتے ہیں۔