آپ کی کیاراۓہے؟ _______صداۓوقت_________ وزیر اعظم نریندر مودی نے کہا ہے کہ ہم اقلیتوں اور مسلمانوں کا اعتماد جیتیں گے ان کے ذہن میں جو خوف پیدا کیا گیا ہے اسے ختم کریں گے. آپ کی کیا رائے ہے؟ کیا مسلمانوں کو پی ایم کے بیان کا خیر مقدم کرتے ہوئے ان سے رابطہ ہموار کرنا چاہیے؟یا پھر نظر انداز کرنا چاہئے۔۔۔؟ اس سلسلے میں قارئین صدائے وقت کی بیش قیمتی آرا۔۔۔

پیش ہے مختلف افراد کے خیالات /صدائے وقت۔
. . . . . . . . . . . . . . . . . . . . . . . . . . . 
پی ایم مودی نے مسلمانوں کے اعتماد کو جیتنےاور ان کے دلون سے خوف ختم کرنے کی جو بات کہی ھے اس پر ھمارا رویہ اعتماد کا ھو یا نہیں۔۔۔۔۔۔؟
         ان کا بیان ایک ڈپلومیسی ھے۔وہ اپنی تقریروں میں پارلیمنٹ میں، پریس کانفرنس میں،بیرونی ممالک کے دوروں کے موقع پر اس طرح کے بیان دیں گے۔
ان کے بیان میں کتنی صداقت ھے اسے جانچنے کے لئے دیکھنا ھوگا کہ ماب لنچنگ یا اس طرح کے واقعات پر ان کا کخا رد عمل ہے۔یا اس کے تدارک کے لئے انھوں نے کیا تدابیر اختیار کیں
اس لحاظ سے ھم دیکھتے ھیں تو اندھیرا ھی اندھیرا نظر آتاھے۔
)اللہ کی ذات سے نا امید نہ ھو)...فیروز اعظمی۔ما لیگاوں۔مہا راشٹر۔
. . . . . . . . . . . . . . . . . . . . . . . . . .  
ہندوستانی مسلمانوں کو پانچ سال کا تجربہ ہے ۔۔۔ الیکشن ختم ہوتے ہی پچھلے چند دنوں میں جس تیزی کے ساتھ اقلیتوں کو تشدد کا نشانہ بنایا گیا، آنے والا پانچ سال کیسا ہوگا یہ واقعات اس اچھے دن کی نشاندہی کر رہے ہیں ۔۔

رابطے کی کوشش ہورہی ہے اور کرنی بھی چاہئے لیکن اس بات کو ذہن میں رکھتے ہوئے کہ جس کی فطرت میں زہر ہو وہ اگر منھ میں شہد رکھ کر بھی بات کرے تو اثر کم نہیں ہوتا ۔۔
عزیز اصلاحی اعظمی۔
. . . . . . . . . . . . . . . . . . 

. . . . . . .   
وزیراعظم نے جو کہا ہے اس کی شروعات بھی ان ہی کو کرنا ہوگی۔ اگر وزیراعظم کا بیان عمل کی طرف گامزن ہو گا تو ہم اور آپ سب ان کی طرف دوڑیںگے۔
خواجہ محمد شاہد۔۔سابق وائس چانسلر اردو یونیورسٹی و سابق افسر حکومت ہند ۔۔نئی دہلی۔

خواجہ محمد شاہد

. . . . . . . . . . . . . . . . . . . . . . . . . . . 
پہلے اقدام تو کریں

ایسے لوگوں کے خیر میں بھی سر ھوتا ھے
محمد اسلم۔۔۔صحافی۔اعظم گڑھ۔

. . . . . . . . . . . . . . . . . . . . . . . . . . . 
مودی کے بیان سے ایک فیصد دھوکا کھانے کی ضرورت نہیں ہے، کہیں سانپ کے منہہ سے زہر کے علاوہ کچہہ اور نکلتا ہے؟ جس آیڈیالوجی کا وہ چیمپین ہے، اس میں اس کے اور اس کے اہل خانہ کے لیے ممکن ہی نہیں ہے کہ ان سے شر کی جگہ کسی خیر کا صدور ہو- اس تبصرے کا مقصد صرف یہ ہے کہ مسلمان مودی اور مودی جتهے کے چال اور مکر سے بالکل چوکنا رہیں اور کسی بہی خیر سگالی کی امید میں اپنے پیروں پر کلہاڑی نہ مار لیں-
شرف الدین احمد اعظمی۔
. . . . . . . . . . . . . . . . . . . . . . . . . . . 
ویلکم کرنا چاہئیے پی ایم کے بیان کا۔کیونکہ اب مسلمانوں کو مثبت سوچ کے ساتھ اگلا قدم اٹھانے کی ضرورت ہے۔میرے خیال سے آج تک ہم نے جتنا بینر اور جھنڈا اٹھایا ہے ہم کو اس کے بدلے میں کیا ملا ۔؟ اس لئیے اب ضرورت ہے کہ منفی سوچ کے بجائے ایک مثبت گائیڈ لائن طے کی جائے ۔۔۔
ڈاکٹر سراج احمد۔۔۔۔مئو۔یو پی۔

ڈاکٹر سراج احمد۔

. . . . . . . . . . . . . . . . . . . . . . . . . . . 
مودی جی!.   اگر جھٹکے میں مسلمانوں کی بھلائی کے لئیے کچھ باتیں زبان سے نکال ہی دئیے ہیں تو لاج بس کچھ کر ڈالئیے۔مگر پارٹی کی " وچار دھارا " کے خلاف جانے میں آپ کے لئیے رکاوٹ اور پریشانی بہت ہوگی۔اوپر والا آپ کو ہمت اور طاقت دے۔
ڈاکٹر فرید احمد ۔قومی صدر ملت کانفرنس۔۔۔بلریا گنج اعظم گڑھ۔

ڈاکٹر فرید احمد

. . . . . . . . . . . . . . . . . . . . . . . . . . . 
نریندر مودی نے مسلمانوں کے لئیے جو بیان دیا ہے اس کا خیر مقدم کرنا چاہیئے۔مسلمانوں کی طرف سے مثبت پیغام جانا چائیے۔
محمد ارشد خان۔۔سابق ایم ایل اے۔۔جونپور۔۔۔سابق قومی جنرل سکریٹری سماج وادی پارٹی۔

محمد ارشد خان

. . . . . . . . . . . . . . . . . . . . . . . . . . . 
مودی کے بیان کا خیر مقدم کرتے ہوئے راستہ ہموار کرنے میں ہی عافیت ہے۔۔۔
شاہد نعیم۔۔۔پرنسپل سر سید انٹر کالج تعلیم آباد صبرحد ۔جونپور۔

پرنسپل شاہد نعیم۔

. . . . . . . . . . . . . . . . . . . . . . . . . . . 
ہر مثبت قدم کا مثبت جواب دینا چاہئیے۔بات چیت کا سلسلہ ضرور شروع کرنا چاہیے۔
ڈاکٹر معید احمد۔.  صدر نیما لکھنئو و قومی صدر طبی یونانی آرگنائزیشن۔

ڈاکٹر معید احمد

. . . . . . . . . . . . . . . . . . . . . . . . . . .   دیکھئیے جناب !! آج پورا دیش مودی کے رنگ میں رنگ گیا ہے اگر انھوں نے دل سے یہ کہا ہے تو ایک بار ان پر یقین کرنا چاہئیے۔۔۔
وصی صدیقی۔۔۔۔سوشل ورکر ۔۔مدیر اعلیٰ " جن ہت " میگزین۔۔۔سرائمیر اعظم گڑھ۔۔

وصی صدیقی

. . . . . . . . . . . . . . . . . . . . . . . . . . . 
پہلے بیگو سرائے میں مذہب پوچھ کر گولی مارنے والے کے خلاف کیا کاروائی ہوئی اس بابت مودی جی اپنی رائے اور کاروائی کا بیورا دیں۔۔مسلمانوں سے اتنی ہمدردی ہے تو گزشتہ مدت کار میں اخلاق، جنید ، پہلو خان، جیسے معاملوں میں نئے سرے سے جانچ کراکر حقیقت سامنے لائیں جس سے مسلمان مودی اور ان کی ٹیم پر بھروسہ کر سکے۔
ابھی سے مودی مہان بنانے کا مطلب تو یہی ہوگا کہ ان کے اندھ بھکتوں کے من میں یہی آئے گا کہ مودی سے خوف کھا کر مجبور ہوگئے۔
یہ میرے اپنے خیالات ہیں۔۔
محمد اخلاق خان۔۔۔صحافی۔شاہگنج جونپور۔

اخلاق احمد خان

. . . . . . . . . . . . . . . . . . . . . . . . . . . 
مودی کی حلف برداری کی تقریب کا وقت شام سات بجے ،،،  وقت افطار سے ذرا سا قبل،،، (یہ کوئی بڑی بات نہیں ہے )۔مگر اپنے بھکتوں کو ایک اور پیغام دے دیا ہے کہ " وہ مسلم کے لئیے بہت سنجیدہ نہیں ہیں۔۔۔۔
کیا یہی طریقہ ہے مسلمانوں میں اعتماد ہیدا کرنے کا جیسا کہ انھوں نے 25 ,مئی کو پارلیمنٹ کے سینٹرل ہال میں اپنی تقریر میں کہی تھی۔؟؟؟؟؟

زیڈ کے فیضان۔۔ایڈو کیٹ سپریم کورٹ۔

زیڈ کے فیضان

. . . . . . . . . . . . . . . . . . . . . . . . . . . 

نوٹ۔۔۔یہ تحریر کردہ لوگوں کے ذاتی خیالات ہیں۔۔۔۔۔۔صدائے وقت۔