جونپور۔۔میڈیکل کالج کی تعمیر میں سست رفتاری سے نوڈل افسر کی ناراضگی۔۔

جون پور۔۔۔اتر پردیش۔ (نماٸندہ)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع کے نوڈل افسرسیکرٹری ریونیو محکمہ یوپی حکومت جی ایس پریدرشی نے جمعہ کے روزریاستی میڈیکل کالج صدیقی پور اور کمیونٹی صحت مرکز مفتی گنج کا زمینی جائزہ لیا۔

معائنہ کے دوران میڈیکل کالج کی تعمیر کی سست ترقی پر ناراضگی کا اظہار کرتے ہوئے تعمیراتی کام کو تیز کرنے کے لئے ہدایت دی۔اس دوران ریاستی تعمیر کارپوریشن کے اسسٹنٹ انجینئر جے رام یادو نے بتایا کہ کتائی میل کی پرانی عمارت منہدم نہیں کئے جانے اور اس میں رکھی مشینوں کا تصفیہ نہ ہو پانے کی وجہ کام میں تیزی نہیں آ پا رہی ہے۔ نوڈل افسر نے ضلع مجسٹریٹ کو ہدایت دیتے ہوئے کہا کہ مذکورہ متعلق میں آنے والی مسائل کو تصفیہ جلد کرنے کی کوشش کرے اور چیف سکریٹری ہتکرگھا کو خط لکھ کر مشینیں کی جانچ کراکر مشینوں کی فوری نیلامی کرائے، جس سے کام میں ترقی لائی جا سکے۔ کمیونٹی صحت مرکز مفتی گنج کے معائنہ کے دوران نوڈل افسران ناخوش دکھے۔ انہوں نے سی ایم او کو ہدایت دیتے ہوئے کہا کہ اسپتال میں صفائی، ڈاکٹروں کی موجودگی اور مریضوں کے لئے بہتر صحت سہولیات فراہم کرنا یقینی بنائے۔ انہوں نے کہا کہ ڈاکٹروں کیلئے ضروری آلات دستیاب کرائے اوراسپتال کے اندر کمروں میں معقول روشنی کا بندوبست ہونا چاہئے۔اس دوران انھوں نے ایک ہی وارڈ میں مرد اور خواتینوں کو رکھنے پر ناراضگی کا اظہار کرتے ہوئے خواتین وارڈ میں خواتینوں کو بھرتی کرنے کی ہدایت دی۔