Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, June 28, 2019

ساٸیکل سوار کو بچانے میں اسکارپیو کھڈ میں گری۔ایک خاتون سمیت چار لوگ زخمی۔۔۔ضلع اسپتال ریفر۔

جون پور۔۔۔اتر پردیش۔ (نماٸندہ)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاہ گنج کوتوالی حلقہ کے جونپور۔شاہ گنج شاہراہ پر اکھن سرائے کے قریب موٹرسائیکل کو بچانے میں ایک اسکارپیو شاہراہ کنارے واقع کھڈ میں پلٹ گئی۔حادثہ میں اسکارپیو میں سوار ایک خاتون سمیت چار لوگ زخمی ہو گئے۔سبھی زخمیوں کو علاج کیلئے ضلع اسپتال میں داخل کرایا گیا ہے۔
اطلاع کے مطابق جمعہ کی دوپہر کھیتاسرائے تھانہ حلقہ کے گولابازار محلہ رہائشی شفیہ (26) اہلیہ نظام الدین اور کنبہ کے وسیم احمد (26) محمد شریف (20) ولد علی رضا کسی کام سے شاہ گنج گئے تھے۔اسکارپیو کو محمد سلیم29ولد انیس احمد چلا رہا تھا۔ دوپہر میں و اپس لوٹتے وقت جیسے ہی شاہراہ کے مذکورہ گاؤں کے قریب پہنچے سامنے سے یکا یک موٹرسائیکل آگئی جس کو بچانے میں اسکارپیو بے قابو ہو کرشاہراہ کنارے واقع کھڈ میں پلٹ گئی جس کے سبب  کار میں سوار چاروں شدید زخمی ہو گئے۔مقامی لوگوں کی اطلاع پر پہنچی پولیس زخمیوں کوعلاج کیلئے شاہ گنج مردانہ اسپتال میں داخل کرایا جہاں سے سبھی کی حالت نازک دیکھ ڈاکٹروں نے بہتر علاج کیلئے ضلع اسپتال ریفر کر دیا۔

Post Top Ad

Your Ad Spot