شاہگنج سرکاری اسپتال(سی ایچ سی) میں تعینات سرجن کو ملی دھمکی۔!!پولیس میں دی گٸی تحریر۔

جونپور ۔۔اتر پردیش۔۔۔صداٸے وقت نیوز۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع کے معروف قصبہ شاہگنج میں سرکاری اسپتال سی ایچ سی پر تعینات سرجن ڈاکٹر ابھیشکھ راوت کو فون پر دھمکی دینے کا معاملہ روشنی میں آیا ہے۔اس بابت ڈاکٹر نے کوتوالی شاہگنج میں تحریر دیکر کارواٸی کی مانگ کی ہے۔
پولیس کو دی گٸی تحریر کے مطابق ڈاکٹر راوت اپنے چیمبر میں او پی ڈی کے مریضوں کو دیکھ رہے تھے تقریباً دو بجے پریم پرکاش گوتم نام کے ایک شخص نے فون کرکے ڈاکٹر راوت کو برا بھلا کہا اور دیکھ لینے کی دھمکی دی ۔
ڈاکٹر راوت کا کہنا ہے کہ میں ذہنی طور پر بہت پریشان ہوگیا ہوں ۔انھوں نے پولیس سے سخت کارواٸی کا مطالبہ کیا ہے۔
اس بابت انسپکٹر انچارج کوتوالی نے بتایا کہ معاملے کی جانچ ہو رہی ہے اور دھمکی دینے والوں پر سخت کارواٸی ہوگی۔