ایک مراسلہ!!

_____مراسلہ نگار۔۔۔۔۔۔۔۔عبد الحمید نعمانی۔/صداٸے وقت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مکرمی!

۔۔۔۔۔۔۔۔۔۔۔

کل آر ایس ایس اور بی جے پی کے نمائندے ایک چینل پر ملے، ہم سے پوچھا کہ کہ آخر وندے ماترم کہنے میں دقت کیا ہے؟ ہم نے کہا کہ آپ کے سماج کی سمجھ وہاں تک نہیں پہنچی ہے کہ دقت کو سمجھ جائے، وندنا صرف شکریہ یا تعریف نہیں ہے، اس میں جذبہ عبادت ہونا ضروری ہے اس کے بغیر وندنا ہو ہی نہیں سکتی ہے، ہم نے پوچھا آپ لوگ سنسکرت جانتے ہیں، وندنا کے کتنے معانی ہیں، وہ چپ رہے تو ہم نے بتایا کہ سنسکرت میں وندنا کے 16/17/معانی ہیں  اور کوئی معنی پوجا بھاؤ سے خالی نہیں ہے، اور مسلمان کسی غیر خدا کی پوجا نہیں کر سکتے ،لیکن آپ کے لیے کوئی مسئلہ نہیں ہے کہ کسی کو بھی خدا اور معبود بنا لیا جاتا ہے، غیر اللہ پرستی والے سماج میں احترام، اطاعت اور پوجا میں فرق نہیں ہے، مسلم سماج میں فرق ہے، ہمارے یہاں مخلوق کی پوجا نہیں ہو سکتی ہے اور زمین آسمان، سورج چاند وغیرہ وغیرہ سب مخلوق ہیں، ہمارے یہاں پوجا اور خالق اور معبود کا بڑا بلند معیار ہے، آپ لوگ بلند ہونے کے بجائے ہمیں ہی نیچے لانا چاہتے ہیں، آپ لوگ اس پر غور نہیں کرتے ہیں کہ پوجنا کسے چاہیے، سنتے رہے، زیادہ بولے نہیں اور باہر تک آتے آتے کہا کہ آپ کے ساتھ بیٹھیں گے، ہم نے کہا، بیٹھتے تو بہت ہیں، آپ کے پہلے سنگھ سر سنچالک سدرشن سے باتیں ہوئی تھیں غالباً وہ کچھ سمجھ گئے تھے، ساتھ بیٹھنے سے زیادہ سوچنے سمجھنے کی ضرورت ہے،
۔______________
عبدالحمید نعمانی ،