اسلام سب کے ساتھ حسن سلوک کی تعلیم دیتا ہے۔!!..................عمران احمد۔

نئ دہلی،27جولائ (نامہ نگار صداٸے وقت )۔
========================
عمران احمد نے آج کہا کہ ہر مسلمان جو الله پر ایمان لاتا ہےاور قیامت کے دن پر ایمان لاتا ہے۔اسے قیامت کے دن بدلے کا خیال رکھتے ہوئے خود کو گناہوں سے 

بچانا چاہئے۔

انہو نے بتایا کہ ایک نوجوان شخص ایک بار حضرت ابو ہریرەؓ کی ہفتہ واری حدیث کابیان سننے گیا۔لیکن ابو ہریرەؓ نے اسے روک دیا۔اگر کوئی جو یہاں بیٹھا ہے جس نے اپنے خاص رشتہ دار سے رشتہ منقطع کر رکھا ہے۔اسے یہاں سے جانا چاہیے اور اپنے رشتے میں جو کشیدگی ہے اسے ختم کرے۔نوجوان نےاپنی چچی کو یاد کیا۔وہ اور اس کی چچی ایک ہی قصبہ میں رہتے تھےلیکن دونوں میں بات چیت نہیں تھی۔نوجوان فوراً مجلس چھوڑکر سیدھا اپنی چچی کے گھر کا رخ کیا۔وہ اپنی چچی سے ملا اور اپنے ماضی کے برتاؤ کی معافی مانگی اور مفاہمت کیلئے کہا۔نوجوان کی چچی نے اس کے اس برتاؤ کی تبدیلی کی وجہ پوچھی۔نوجوان نے ابوہریرہؓ کے بیان کے بارے میں بتایا۔اس کی چچی نے اس کی معافی کو قبول کیالیکن اس نے ابو ہریرەؓ کے بیان کے بارے میں پوچھا۔اس سوال کے جواب میں ابو ہریرەؓ نے فرمایا کہ انہوں نے محمد ﷺ سے سنا تھا کہ ہماری نیکی ہفتے(سنیچر)کی رات کو الله کے حضور پیش ہوتی ہے۔وہ جو اپنی فیملی سے رشتہ منقطع رکھتا ہے تو اس کی نیکی قبول نہیں کی جاتی۔حضرت ابو ہریرەؓ چاہتے تھے کہ ان کی مجلس میں کوئی ایسا شخص نہ بیٹھے جو اپنی فیملی اور اپنوں سے کشیدگی رکھتا ہو۔کیونکہ ابو ہریرەؓ کو خدشہ رہتا تھا کہ اس ایک شخص کی وجہ سے مجلس کے سارے لوگ نیکی سے محروم رہ جائیں گے۔وہ جونفرت اور تشدد پھیلا تا ہے وہ کبھی بھی اس پر الله کی رحمت نہیں ہوگی اور کبھی بھی وہ ایک سچا مسلمان نہیں بن سکتا۔ عمران احمد نے مزید کہا کہ اسلام شدت سے دوسروں کے تئیں رحمدلی اور شرافت کے ساتھ رہنا سکھاتا ہے۔اور معاشرے میں سب کے ساتھ خوشگوار رشتے بنائے رکھنے کیلئے کہتا ہے۔