Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Saturday, August 10, 2019

حج کا اہم رکن قیام عرفہ آج۔غلاف کعبہ کو کیا گیا تبدیل۔

بارگاہ ایزدی میں خود سپردگی کا والہانہ انداز۔
لاکھوں فرزندان توحید میدان عرفات کی جانب روانہ۔۔۔۔دو لاکھ ہندوستانی بھی شامل۔
سیکورٹی کے سخت انتظامات۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صداٸے وقت کی خصوصی پیشکش۔مورخہ ١٠ اگست ٢٠١٩ بمطابق ٨ ذی الحجہ۔۔١٤٤٠۔
=========================
آج یوم عرفہ ہے ۔وقوف عرفہ حج کا رکن اعظم ہے آج دنیا بھر سے حج کے لٸیے آٸے ہوٸے تقریباً ٢٥ لاکھ مسلمان منیٰ سے میدان عرفہ کیطرف روانہ ہیں۔لبیک اللہمہ لبیک کی صداٸیں فضا کو معطر کر رہی ہیں۔دنیا بھر سے آٸے ہوٸے تمام مسلمان عربی ، عجمی، کالے، گورے، چھوٹے ، بڑے ، مرود زن، جوان بوڑھے سبھی آج دن بھر عرفات کے میدان میں عبادت میں مشغول رہیں گے۔

یہاں پر مسجد نمرہ میں ” خطبہ حج “ ہوگا۔نماز ظہر اور عصر ایک وقت میں ہی ملا کر ادا کی جاٸے گی۔۔غروب آفتاب تک عازمین حج یہاں قیام کریں گے ۔اس کے بعد مزدلفہ کے لٸیے روانہ ہوجاٸیں گے۔
وقوف عرفہ کے دوران عبادت میں مشغول عازمین حج دن بھر اپنے رب وحدہٗ لا شریک کے حضور گڑ گڑاٸیں گے اپنی گناہوں کی معافی مانگیں گے اپنی مغفرت کی دعاٸیں کریں گے۔عصر و مغرب کے درمیان دعاٶں کی قبولیت کا وقت ہے یہاں جو بھی دعا مانگی جاتی ہے اللہ تعالیٰ اسے قبول فرماٸیں گے۔

میدان عرفہ سے روانگی کے بعد حجاج کرام مزدلفہ پہنچیں گے اور مغرب و عشإ کی نماز ساتھ میں ادا کریں گے۔مزدلفہ میں بغیر خیموں کے کھلے آسمان کے نیچے رات گزارنی ہے۔یہں پر شیطان کو مارنے کے لٸیے حجاج کرام کنکریاں بھی اکٹھا کرتے ہیں۔۔۔صبح فجر کی نماز کے بعد منیٰ روانہ ہوجاٸیں گے۔
آج صبح غلاف کعبہ بھی تبدیل کردیا گیا .

ہر سال ٨ ذی الحجہ کو جب تمام عازمین حج میدان عرفات کی جانب روانہ ہوتے ہیں تبھی صبح کے وقت غلاف کعبہ کو تبدیل کرنے کی روایت ہے۔