سنبھل۔۔۔مفت طبی کیمپ کا انعقاد۔

سنبھل اتر پردیش۔۔۔صداٸے وقت/ذراٸع۔مورخہ 17 ستمبر 2019.
=============================
سنبھل کے معروف مقام اجنتی چوک پر ڈاکٹر محمد شاویز اور ان کی ٹیم نے دوا ساز کمپنی سپلا اور إپکا کے باہمی تعاون سے ایک مفت میڈیکل کیمپ کا انعقاد کیا۔اس کیمپ میں تقریباً 125 افراد کی مفت طبی جانچ کی گٸی ۔مخصوص طورپر دمہ و ذیابیطس کے افراد کی جانچ ہوٸی جس میں مریض کے بلڈ پریشر کے علاوہ قوت تنفس کی آلات کے ذریعہ جانچ کی گٸی۔۔۔مفت بلڈ شوگر کی جانچ ہوٸی۔۔۔۔

مفت میں دواٶں کی تقسیم کے علاوہ کچھ ضرورت مند مریضوں کو راٹا ہیلر اور روٹا کیپ بھی فراہم کٸیے گٸے جس سے ان کی سانس کی تکلیف کو کم کیا جاچکے اور دمہ کے شدید جھٹکے کے دوران ان کو استعمال کر سکیں ۔
اس موقع پر ڈاکٹر شاویز نے کہا کہ ہندوستان کے نیم شہری و دیہی علاقوں میں عوام میں بیداری کی کمی ہے ۔عوام اپنی بیماری اور اس کے علاج کے تیٸں بیدار نہیں ہیں جس کی وجہ سے ان کو صحیح علاج نہیں مل پاتا ہے۔زیادہ تر مریض میڈیکل اسٹور اور جھولا چھاپ ڈاکٹروں کے سہارے پر ہی رہتے ہیں جس کا نتیجہ یہ ہوتا ہے کہ ان کے امراض میں روز بروز اضافہ ہوتا جاتا ہے۔ایسے لوگوں کو چاہٸیے کہ اچھے ڈاکٹروں کے مشورہ سے ہی اپنا علاج کریں جس سے ان کی صحت پر کوٸی منفی اثر نہ ہو۔