Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Friday, November 22, 2019

۔”بانگ کہن“۔۔۔۔۔نظم ۔۔سلسلہ 23.

*بانگِ کہن، سلسلہ 23*

✏ فضیل احمد ناصری /صداٸے وقت۔
=============================
ستایا   ہوں   زمانے   کا   مجھے   رونے   رلانے  دو
شفا  کے  واسطے  مجھ  کو  یہ  نسخہ  آزمانے  دو

وہ اپنے کام پر خوش ہیں، میں اپنے کام پر راضی
مرے  رِستے  ہوئے  زخموں  پہ ان کو مسکرانے دو

یہاں  اب  فاتحہ  خوانی  کو  کوئی  بھی نہیں آتا
مزارِ   غیرتِ   انساں   پہ   دو  آنسو  بہانے   دو

رہیں  گے  ہم  تو  آئندہ بھی تاریخیں رقم ہوں گی
اگر   تاریخِ   مسلم   وہ   مٹاتے   ہیں  ،  مٹانے   دو

سنا  ہے  آئنہ  بینی  سے  ان  کو  سخت  نفرت  ہے
تو اس  وحشی  صفت انساں کو آئینہ دکھانے  دو

نہ  جاؤ  ظاہری  حلیے  پہ ، یہ  ظاہر  تو دھوکا ہے
ابھی رک جاؤ ان کے رخ سے سب پردے اٹھانے دو

ہمارا   نالۂ   شب   گیر   ان   کو   پھونک  ڈالے  گا
جلاتے   ہیں   اگر   ظالم   ہمارا   گھر  ، جلانے  دو

پلٹ  کر  ایک  دن چڑھ جائے گا قاتل کی گردن پر
ابھی  اس  سنگ دل بندے کو تم خنجر چلانے دو

تمہارا  جذبِ باطن  خود  بہ  خود  راہیں  نکالے گا
پریشاں کیوں ہو،اس معصوم غارت گر کو 
جانےدو

Post Top Ad

Your Ad Spot