Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Thursday, November 7, 2019

”بانگ کہن“ ۔۔۔سلسلہ 62/از مولانا فضیل ناصری۔



 فضیل احمد ناصری/صداٸے وقت۔
======================

کمالِ   درد   نے   پہونچا   دیا   اوجِ   ثریا   تک
مری  آہوں  کو  رستہ  مل  گیا  عرشِ معلّیٰ تک

جمالِ  ذاتِ  انورؑ  سے  دو  عالم  ہو  گئے  روشن
جلالِ  موسوی  محدود  ہے  بس  طورِ سینا تک

یہی   پرواز   ٹھہری  آج  کل  اپنے  عقابوں  کی
کوئی ایران تک پہونچا، کوئی پہونچا جنیوا تک

جو  چلنا  ہے  تو چل جمہورِ امت کے طریقے پر
یہ  رستہ  جا  رہا  ہے  کوچۂ  یاسین و طہٰ  تک

ضمیرِ   آدمیت   مار   دیتا   ہے   نشہ   اس   کا
نہ  لے  جا  ہاتھ  اپنا، ہم نشیں! جامِ کلیسا  تک

ستارے   منتظر   ہیں   آسماں  پر  تیری  آمد  کے
نہ رکھ محدود تو اپنی تگ و دو چین و جاوا تک

نگاہِ  مردِ  حقانی  سے  بچ  کر  رہ  نہیں   سکتا
فریبِ   لارڈ   میکالے   سے   تدبیرِ   زلیخا    تک

ترا   نقشِ   قدم   نقشِ  حیاتِ  نوعِ  انساں  ہو
ترے  افکار  پھیلیں  ہند  سے  اقصائے  دنیا  تک

شیاطیں  کے  لیے  شمشیر  ہے  الفت محمدؑ  کی
حذیفی  کار  فرما  ہو  تو اڑ سکتا ہے کسریٰ تک

Post Top Ad

Your Ad Spot