Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Thursday, November 21, 2019

”بانگ کہن “ سلسلہ 68...(نظم).

*بانگِ کہن، سلسلہ 68*

✏ فضیل احمد ناصری /صداٸے وقت
============================
اپنے  جلسے  ہیں  فقط   آتش  بیانی  کے  لیے
ان  کے  جلسے  ہیں  دوامی  شادمانی  کے لیے

واعظینِ  حق  کی  منزل  انتظامِ  جاہ  و  زر
اہلِ بت کی کوششیں بت کی جوانی  کے لیے

اے مسلماں!  احتسابی آنکھ سے اک بار دیکھ
تیری   ساری   دوڑ  ہے  دنیائے  فانی  کے  لیے

ان  بتانِ  بے  زباں  کو  اپنے  سینے  سے نکال
ہیں  یہی  مجرم  ہماری  بے  زبانی  کے   لیے

ایک مکتب بھی نہ ہم سے،قاعدےسےچل سکا
مستعد  کیا  ہوں  وطن  کی حکمرانی کے لیے

ہر  مسلماں  ہو  چکا  ہے نفسی  نفسی  کا اسیر
کس کو فرصت ہے حرم  کی  پاسبانی  کے  لیے

اے  عزیزو  تم  شکارِ  نفس و شیطاں  مت  بنو
تم   ہوئے   برپا   خدا   کی   ترجمانی   کے  لیے

لا   مکانی   ، گردشِ    افلاک   ،  آفاقی    خیال
ساری   کاوش   ہے   حیاتِ  جاودانی   کے   لیے

لفظ   میں  تاثیر  بے  فیضِ  سماوی   ہے  محال
دردِ    دل    درکار   ہے   گنجِ   معانی   کے   لیے

Post Top Ad

Your Ad Spot