ایک غزل آپ کی بصا رتوں کی نذر
چچا غالب کی زمین میں معذرت کے ساتھ۔۔۔۔۔۔نادر انیس۔/صداٸے وقت۔
==============================
ہرستارے کا سر بزم درخشاں ہونا
سب کی قسمت میں کہاں شمع فروزاں ہونا
ڈال رکھا ہے مجھے شک میں وفا نے تیری
اسقدر حد سے سوا مجھ پہ مہرباں ہونا
گرم بازار ہے نفرت کا ریاکاری کا
کتنا مشکل ہے اب انسان کا انساں ہونا
حق جو کہتا ہوں تو دیتی ہے سزا یہ دنیا
کفر بکتا ہوں تو پھر کیسا مسلماں ہونا
وہ کیا جانے دیوانے دیوانگی نادر
جس نے دیکھا ہی نہیں چاک گریباں ہونا
نادر انیس اعظمی
