مضبوط ارادے میں ہی پوشیدہ ہے کامیابی۔
پربھا کر سنگھ۔
فرید الحق میموریل ڈگری کالج میں طلبہ کو بتاٸے گٸے کامیابی کے راز۔
جونپور۔۔اتر پردیش/صداٸے وقت/نماٸندہ۔۔۔٥دسمبر ٢٠١٩۔
===================
سافٹ سرکل ایکسپرٹ ، نیشنل ماہر تعلیم پربھا کر سنگھ نے جمعرات کو فرید الحق میموریل ڈگری کالج تعلم آباد صبرحد شاہگنج جونپور میں طلبہ کو کامیابی کے ہنر بتاٸے۔ایک روزہ تعلیمی اسکل ورکشاپ میں طلبہ سے خطاب کرتے ہوٸے انھوں نے کہا کہ تعلیم حاصل کرنے کے ساتھ ساتھ مضبوط ارادہ ہونے سے کامیابی کو کوٸی روک نہیں سکتا۔
انھون نے اپنے خطاب میں کہا کہ تعلیمی پالیسی میں کافی تبدیلی ہونے جارہی ہے۔ہندوستان میں تعلیم کے معیار کی سطح نٸی بلندیوں کو چھونے جارہی ہے۔اس تبدیلی کے ساتھ نہ بدلنے والے لوگ کافی پیچھے ہوں گے۔انھوں نے کہا کہ جہاں طلبہ کو اپنے ارادے کو مضبوط کرنے کی ضرورت ہے وہیں اساتذہ کو بھی نٸی تعلیمی پالیسی کے تٸیں سنجیدہ رہنے اور نٸی نٸی کھوج کے تٸیں بیدار رہنے کی ضرورت ہے۔۔انھوں نے کہا کہ طلبہ کو اپنے اندرو تنقیدی سوچ پیدا کرنے کی ضرورت ہے۔نٸی سوچ نٸی ریسرچ اور جانکاری کے متعلق جانکاریحاصل کریں۔اپنے اندر مکالمے کی صلاحیت پیدا کریں۔۔ملک کا ایک بچہ اگر ناکام ہونے کا مطلب یہ ہے کہ ملک کا ایک شہری ناکام ہوا ، اگر اس سوچ کے ساتھ کام کیا جاٸے تو کامیابی کو کوٸی روک نہیں سکتا۔
انھوں نے بتایا کہ 27 دسمبر سے شہر جونپور میں دو روزہ تعلیمی ورکشاپ کا انعقاد ہوگا جس میں کٸی ایک ماہر تعلیم و تعلیمی شخصیات کی شمولیت متوقع ہے۔اس پروگرام میں ڈگری کالج کے طلبہ کو شرکت کی اپیل کی۔
آخر میں فرید الحق میموریل ڈگری کالج کے پرنسپل ڈاکٹر تبریز عالم نے سبھی شرکاءٕ کا خیر مقدم کیساتھ شکریہ ادا کیا۔
ادیب موقع پر ایس این کالج آف فارمیسی کے ناظم انوپ کمار،سر سید احمد انٹر کالج کے پرنسپل محمد شاہد نعیم،سابق پرنسپل عرفان احمد خان، ڈاکٹر شیو پرساد ، ڈاکٹر انامیکا پانڈے، ڈاکٹر نظام الدین ، یاض احمد،شاٸستہ اکرم،سوریہ پرکاش یادو وغیرہ موجود رہے۔
