نی دہلی، صداٸے وقت /یو این آٸی ۔
=============================
وزیر اعظم نریندر مودی اور وزیر برائے امور خارجہ ایس جے شنکر نے آج یہاں تین دن باوقار رائے سینا ڈائیلاگ کانفرنس کے افتتاحی اجلاس میں شرکت کی جس میں بین الاقوامی سیاسی اور معاشی صورتحال پر گہرائی سے تبادلہ خیال کیا جائے گا۔
وزارت خارجہ امور اور آبزرورس ریسرچ فاؤنڈیشن کے مشترکہ طور پر منعقدہ اس کانفرنس میں سات ممالک کے سابق سربراہ مملکت سمیت 100 ممالک سے 700 سے زائد سفارتی شخصیات عالمگیریت ، ایجنڈے 2030 ، جدید دنیا میں ٹکنالوجی کا کردار ، آب و ہوا کی تبدیلی اور دہشت گردی کے خلاف جنگ سے متعلق اپنے خیالات پیش کریں گے۔ کانفرنس میں 12 ممالک کے وزرائے خارجہ بھی شرکت کر رہے ہیں ، جن میں روس اور ایران کے وزرا شامل ہیں۔
اس موقع پر ،مسٹر جے شنکر نے کہا کہ پانچ سال قبل ، وزیر اعظم نریندر مودی نے کہا تھا کہ ابھرتے ہوئے طاقتور ملک کی حیثیت سے ، ہندوستان کو عالمی کانفرنسوں سے آگے بڑھ کر اپنے فورمز تیار کرنا چاہئے جس میں دنیا کے تمام سلگتے ہوئے معاملات پر غور و فکر کیا جاسکے ۔ انہوں نے کہا کہ پانچ سال بعد ہم اعتماد کے ساتھ یہ کہہ سکتے ہیں کہ ہم نے ان توقعات کو پورا کیا ہے۔
