Sada E Waqt

چیف ایڈیٹر۔۔۔۔ڈاکٹر شرف الدین اعظمی۔۔ ایڈیٹر۔۔۔۔۔۔ مولانا سراج ہاشمی۔

Breaking

متفرق

Sunday, March 1, 2020

سی اے اے کی تاٸید میں امت شاہ پہنچے کولکاتا۔۔۔مخالفت کا سامنا۔” گو بیک “ کے نعرے۔دکھاٸے گٸے کالے جھنڈے۔

ریاستی پولیس انتظامیہ نے احتجاج کے پیش نظر ایئر پورٹ کے باہر ان کی حفاظت کے لئے خصوصی انتظامات بھی کر رکھے تھے۔ مظاہرین نے ہاتھوں میں کالے جھنڈوں کے ساتھ کالے غبارے بھی اٹھا رکھے تھے۔

کولکاتا /مغربی بنگال /صاٸے وقت / ١ مارچ ٢٠٢٠۔
==============================
وزیر داخلہ امت شاہ کو مغربی بنگال کی راجدھانی کولکاتا میں اس وقت سخت مخالفت کا سامنا کرنا پڑا جب وہ سی اے اے کی حمایت میں ایک ریلی سے خطاب کرنے کولکاتا پہنچے۔۔ شہر میں کالے جھنڈے لے کر متعدد تنظیموں کے لوگ سڑکوں پر اترے ہیں۔ مظاہرین میں بڑی تعداد کانگریس کی ہے جبکہ اس میں اسٹوڈنٹ فیڈریشن آف انڈیا اور بائیں بازو کی جماعتوں کے کارکنان بھی شامل ہیں۔ دم دم ائیرپورٹ سے کچھ کلو میٹر کے فاصلے پر کانگریس کارکنوں اور بائیں بازو کے کارکنوں نے ہاتھوں میں پوسٹر بینر اٹھا رکھے تھے اور ’امت شاہ گو بیک‘ کے نعرے لگا رہے۔
ریاستی پولیس انتظامیہ نے احتجاج کے پیش نظر ایئر پورٹ کے باہر ان کی حفاظت کے لئے خصوصی انتظامات بھی کر رکھے تھے۔ مظاہرین نے ہاتھوں میں کالے جھنڈوں کے ساتھ کالے غبارے بھی اٹھا رکھے تھے۔ این آئی وائی ایل نے امت شاہ کے دورہ کی مخالفت میں کالے جھنڈے لہرائے اور ’امت شاہ گو بیک‘ کے نعرے لگائے۔
مظاہرہ کے درمیان ہی امت شاہ کولکاتا پہنچے۔ وزیر داخلہ امت شاہ کا مظاہرین سے سامنا نہ ہو اس کے لئے بھی سخت حفاظتی انتظامات کیے گئے ہیں۔ سخت سیکورٹی کے درمیان امت شاہ ایئر پورٹ سے سڑک کے ذریعے روانہ ہوئے۔ وزیر داخلہ نے راجرہاٹ میں نیشنل سیکورٹی گارڈ (این ایس جی) کے 29 خصوصی کمپوزٹ گروپ کمپلیکس کا افتتاح کیا۔
واضح رہے کہ بی جے پی سی اے اے کی حمایت میں ملک کے مختلف مقامات پر عوامی جلسوں کا انعقاد کر رہی ہے۔ اسی سلسلہ میں کولکاتا بھی آج ایک جلسہ عام کا انعقاد کیا گیا ہے۔ وزیر داخلہ اسی میں حصہ لینے کے لئے کولکاتا کے مینار میدان پہنچے اور جلسہ عام سے خطاب کیا۔
امت شاہ کے ساتھ بی جے پی کے قومی صدر جے پی نڈا نے بھی ریلی میں شرکت کی۔ جلسہ عام کے علاوہ بھی امت شاہ کئی تقاریب میں حصہ لیں گے۔ آئندہ بلدیہ انتخابات کے حوالہ سے بی جے پی کے قومی صدر جے پی نڈا ریاستی قیادت کے ساتھ ایک بند کمرے میں اجلاس کریں گے۔ پارٹی رہنماؤں سے بات چیت کے بعد شاہ بلدیہ انتخابات کے لئے حکمت عملی تیار کریں گے۔

Post Top Ad

Your Ad Spot